බැසිල්ට තවත් චෝදනාවක්

(Video) ශ්‍රී ලංකා සංචාරක අධිකාරිය සහ සංචාරක ප්‍රවර්ධන කාර්යාංශය යන ආයතනවල රුපියල් ලක්ෂ 570 ක මුදලක් පසුගිය පාලන කාලයේ අවභාවිත කර ඇතැයි පාර්ලිමේන්තු මන්ත්‍රී නලින් බණ්ඩාර මහතා පැවසීය.
සංචාරක කටයුතු ප්‍රවර්ධනය කිරීමට යැයි කියමින් මැතිවරණ ප්‍රචාරණ කටයුතුවලට පවා මෙම මුදල් භාවිත කර ඇති බවත්, භික්ෂුන් වහන්සේලා රැස්වීම්වලට වැඩමවා ගැනීමට සහ පෙරළා වැඩමකරවීමට රුපියල් ලක්ෂ 50 ක මුදලක් වැයකර ඇති බවත්,මේ සම්බන්ධයෙන් හිටපු ආර්ථික සංවර්ධන අමාත්‍ය බැසිල් රාජපක්ෂ මහතා වගකිවයුතුව ඇති බවත් මන්ත්‍රීවරයා පැවසීය.

ප්‍රවෘත්ති දෙපාර්තමේන්තුවේ අද(22දා) ආරම්භකළ ‘හෙළිදරව්ව’ මාධ්‍යහමුවේදී හෙතෙම මේබව පැවසීය.