බැඳුම්කර වාර්තාවට පාර්ලිමේන්තු විවාදයක් SLFP ඉල්ලයි

බැඳුම්කර කොමිෂම පත්කිරීම පිළිබඳ ජනාධිපති මෛත්‍රීපාල සිරිසේන මහතාට හා බැඳුම්කර සිද්ධිය ගැන කතා කළ පිරිස්වලට ගෞරවය හිමිවිය යුතු බව එක්සත් ජනතා නිදහස් සන්ධානයේ මහ ලේකම් මහින්ද අමරවීර මහතා සඳහන් කළේය

මීට අමතරව බැඳුම්කර සිද්ධිය පිළිබඳ පාර්ලිමේන්තු විවාදයක් පැවැත්විය යුතු බව ශ්‍රී ලංකා නිදහස් පක්ෂයේ මන්ත්‍රීවරුන් යෝජනා කරන බවද හෙතෙම පවසා සිටියේය.

මේ නිසා පාර්ලිමේන්තුව කැඳවා ‘බැඳුම්කර’ කොමිෂන් වාර්තාව පිළිබඳව හා ‘බරපතළ දූෂණ වංචා පිළිබඳ ජනාධිපති කොමිෂන් සභා වාර්තා’ පිළිබඳව පූර්ණ විවාදයක් පවත්වන ලෙසට ඉල්ලා සිටීමට බලාපොරොත්තු වන බවද හෙතෙම පවසා සිටියේය.