බම්බලපිටියේ ගින්නක්

බම්බලපිටිය දුම්රිය ස්ථානය අසල පිහිටි නිවසක් සහ වෙළෙඳසැලක් ගින්නකින් විනාශ වී තිබේ. එම නිවැසියන් පැවසුවේ අද(03දා) සවස 5.00ට පමණ හටගත් ගින්නෙන් නිවසේ තිබූ ඇදුම්පැලඳුම්,උපකරණ සහ පොත්පත් විනාශ වී ඇති බවයි.

ගෑස් ලිපක් දැල්වීමට යෑමේදී ගෑස් කාන්දුවක් සිදුවීමෙන් මෙම ගින්න හටගත් බව නිවැසි කාන්තාවක පැවසුවාය. ගින්න නිවීම සඳහා ගිනි නිවීමේ උපකරණ ගෙන්වාගත් බවත්,පොලිස් නිලධාරීන් පැමිණ එම ස්ථානය පරීක්ෂා කළ බවත්එම කාන්තාව පවසා සිටියාය.

ශමීර රාජපක්ෂ