දඹුල්ල ආර්ථිකයේ බදු නොගෙවූ වෙළෙඳසැල් රජයට පවරාගනියි?

මාසික කුලී මුදල ගෙවීම් පැහැර හැරීම හේතුවෙන් බදු ගිවිසුම් අහෝසි වී ඇති දඹුල්ල ආර්ථික මධ්‍යස්ථානයට අයත් කඩකාමර 150ක් පැය 24ක් ඇතුළත බාර දෙන ලෙස දඹුල්ල ප්‍රදේශීය ලේකම් ලෂ්මි හේවාපතිරණ මෙනවිය එම වෙළෙන්දන්ට ලිඛිතව දැනුම්දී තිබේ.

එම කඩකාමර නීතිවිරෝධී ලෙස පවරා ගැනීමට ඉඩ නොදෙන බවත්, මෙය රජය අපහසුතාවට පත්කිරීම සඳහා නිලධාරීන් විසින් ක්‍රියාත්මක කරන වැඩපිළිවෙළක් බවත් ආර්ථික මධ්‍යස්ථාන වෙළෙඳ සංගමය පවසයි.

මේ වනවිට ප්‍රාදේශීය ලේකම්වරියගේ අත්සනින් යුතු ලිපි වෙළෙන්දන්ට යවා තිබෙන බව කළමනාකරු ක්‍රිස්ටි විජේරත්ත මහතා පැවසීය.