උතුරු, නැගෙනහිර බෞද්ධ සංහාරයක් වෙනවලු

(VIDEO) රට තුළ ජාතික සංහිඳියාව තිබෙන බවට සඳහන් වුවද උතුරු නැගෙනහිර පළාත්වල බෞද්ධ සංහාරයක් සිදුවන බව හෙළ බොදු සවිය සංවිධානය සඳහන් කරයි.

මඩකලපුව වාකනේරි ගම්මානයේ තිබූ විහාරස්ථානය විනාශ කරදමා තිබෙන බවත්, ඇතැමුන් එම භූමිය අත්පත්කර ගැනීමට උත්සාහ දරමින් සිටින බවත් එම සංවිධානයේ ලේකම් පත්තරමුල්ලේ දයාවංශ හිමියෝ සඳහන් කළහ.

මේ නිසා මේ පිළිබඳව සොයා බලා අවශ්‍ය කටයුතු සිදුකර මාසයක් ඇතුළත විහාරස්ථානය නැවත සකස්කර දෙන ලෙස බුද්ධශාසන අමාත්‍යාංශ ලේකම්වරයාට සන්දේශයක් බාරදුන් බව දයාවංශ හිමියෝ පැවසූහ.

උන් වහන්සේ මේ බව සඳහන් කළේ, සන්දේශය භාරදීමෙන් පසු මාධ්‍ය වෙත අදහස් දක්වමිනි.

බෞද්ධයා සෑම විටම සංහිඳියාව ආරක්ෂා කරන බවත්, එය නිවටකමක් නොවන බවත් දයාවංශ හිමියෝ වැඩිදුරටත් අවධාරණය කළහ.

ඡායාරූප හා වීඩියෝ ශමිර රාජපක්ෂ