'ආබාධිත රණවිරුවන් වැරදි නෑ'

පසුගියදා ජනාධිපති ලේකම් කාර්යාලයට ඇතුළුවීමට ගත් උත්සාහයේදී ඇතිවූ සිද්ධියට වැරදිකරුවන් වනුයේ ආබාධිත රණවිරුවන් නොව පිටස්තරින් පැමිණි පුද්ගලයන් පිරිසක් බව ජනාධිපති මෛත්‍රීපාල සිරිසේන මහතා අද (09දා) පැවසීය.

ආබාධිත රණවිරුවන් පමණක් විරෝධය පළකිරීමට පැමිණියේනම් කඳුළු ගෑස් හෝ ජලප්‍රහාර එල්ල කිරීමට අවශ්‍ය නොවුණු බවත්, ආබාධිත රණවිරුවන්ට රට ගැන හැඟීමක් තිබෙන  බවත් පැවසූ ජනාධිපතිවරයා වැඩිදුරටත් සඳහන් කළේ, ආණ්ඩුවට විරුද්ධව සංවිධාන්තමක කටයුතු කරන භික්ෂුන් වහන්සේලා පිරිසක්ද මෙම අවස්ථාවට සහභාගි වීම සම්බන්ධව තමන් කනගාටු වන බවයි.

ඒ මහතා මෙම අදහස් පළ කළේ ශ්‍රී ලංකාවේ  සමථ මණ්ඩල වැඩසටහනට වසර 25ක් සපිරීම නිමිත්තෙන් අරලියගහ මන්දිරයේදී පැවැති උත්සවයකදීය.

ඡායාරූප-ශමීර රාජපක්ෂ