අර්ජුනගේ සහෝදරයා මාධ්‍යට ගොරවයි

මුදල් විශුද්ධිකරණ පනත යටතේ රිමාන්ඩ් භාරයට පත් කර සිටින නිශාන්ත රණතුංග මහතාට ඇප ලබාදෙන්නැයි ඉල්ලමින් ඉදිරිපත් කර ඇති පෙත්සම් විභාග කරන අයුරු නැරඹීම සඳහා කොළඹ මහාධිකරණයට පැමිණි වරාය අධිකාරියේ සභාපති ධම්මික රණතුංග මහතා එහි සිටි මාධ්‍ය‘වේදීන්ට තර්ජනය කළේය.

ධම්මික රණතුංග මහතා අධිකරණයට පැමිණෙන අයුරු වීඩියෝගත කළ මාධ්‍ය‘වේදීන්ට තර්ජනය කරමින් 'ඔහු අත වූ ජංගම දුරකථනයේ කැමරාවෙන් එම මාධ්‍ය‘වේදීන්ගේ ඡායාරූප ගැනීමටද ක්‍රියා කළේය.

රූපවාහිනී සංස්ථාවේ කොළඹ වාර්තාකරු ලෙස සේවය කරන එස්.ගුණරත්නම් මහතාට ධම්මික රණතුංග මහතා විසින් මෙලෙස තර්ජනය කරන ලද අතර, ඔහු ඒ පිළිබඳව කෙසෙල්වත්ත පොලීසියට පැමිණිල්ලක්ද කොට ඇත. 

වීඩියෝ අනුග්‍රහය ලංකාදීප