ඉන්ධන මිලට බදු පිට බදු ගහනවා

ලෝක වෙළෙඳපොළේ ඉන්ධන මිල අඩුවීමේ වාසිය ජනතාවට ලබානොදී ආණ්ඩුව ඉන්ධන මත බදු පිට බදු ගසන බව ජනතා විමුක්ති පෙරමුණ සඳහන් කරයි.

අද (09දා) පැවති මාධ්‍ය සාකච්ඡාවකදී පක්ෂයේ භාණ්ඩාගාරික සුනිල් හඳුන්නෙත්ති මහතා සඳහන් කළේ ඔක්ටේන් 92 පෙට්‍රල් ලීටරයක් වරායට ගොඩබාන විට මිල රුපියල් හතළිස් එකයි ශත හැත්තෑ නවයක් බවත්, එහෙත් පෙට්‍රල් ලීටරයක් අලෙවි වන්නේ රුපියල් එකසිය තිස් හතකට බවත්ය.

එමෙන්ම ඩීසල් ලීටරයක් වරායට ගොඩබාන මිල රුපියල් හතළිස් හතරයි ශත තිස්හතක් බවත්, එහෙත් ඩීසල් ලීටරයක් අලෙවි වන්නේ රුපියල් එකසිය හතරකට බවත් හඳුන්නෙත්ති මහතා මෙහිදී පැවසීය.

මේ අනුව සලකා බලනවිට ආණ්ඩුව තෙල්වලට බදු ගසා නොමැති බවත්, එහෙත් බදුවලට තෙල් ගසා තිබෙන බවත් හෙතෙම වැඩිදුරටත් පවසා සිටියේය.