හිටපු මන්ත්‍රී කුමාරසිරි රත්නායක බඹරෙක් නිසා අනතුරක

මොනරාගල දිස්ත්‍රික් හිටපු පාර්ලිමේන්තු මන්ත්‍රී කුමාරසිරි රත්නායක මහතාගේ කැබ්රථය ඉකුත් (29) වෙනිදා මොනරාගල බිබිල මාර්ගයේ නක්කලවත්ත ප්‍රදේශයේදී අනතුරට ලක්වී ඇතැයි මොනරාගල පොලීසිය පවසයි.

හිටපු මන්ත්‍රීවරයා කැබ්රථයේ රියදුරු ලෙස කටයුතුකර ඇති අතර කැබ්රථයට බඹරෙකු ඇතුළුවී ඇත.

බඹරා එළවීමට අතින් උත්සාහකිරීමේදී කැබ්රථය පාලනයකර ගැනීමට නොහැකිව පාරෙන් ඉවතට ගොස් මාර්ගය අයිනේ පස් කණ්ඩියක ගැටී පෙරළී ඇත.

මෙම අනතුරෙන් හිටපු මන්ත්‍රීවරයාට කිසිදු තුවාලයක් සිදුවී නොමැති අතර කැබ්රථයට හානි සිදුවී තිබේ. මොනරාගල පොලීසිය පරීක්ෂණ පවත්වයි.

මොනරාගල සුමනසිරි ගුණතිලක