හාරකෝටියක කුෂ් කටුනායකින් පන්නන්න බැරිවෙයි
රුපියල් හාර කෝටි තිස් අට ලක්ෂ හතලිස් දහසක් වටිනා " කුෂ්" මත්ද්රව්ය තොගයක් , මෙරටට රැගෙන විත් , ඒවා කටුනායක ගුවන් තොටුපොළ පැමිණීමේ පර්යන්තයේ , කිසිවක් ප්රකාශ කිරීමට නොමැති " හරිත මාවත " ( Green Channel ) ඔස්සේ පිට කර ගෙන යාමට තැත් කළ ශ්රී ලාංකික ගුවන් මගියෙකු 11/16 දින අලුයම ගුවන් තොටුපොළ රේගු නිලධාරීන් සහ රේගු මත්ද්රව්ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ .
මොහු මාතලේ ප්රදේශයේ පදිංචි 30 හැවිරිදි වියේ පසුවන කාර්මික ශිල්පියෙකි. මොහු මෙම " කුෂ්" මත්ද්රව්ය තොගය තායිලන්තයෙන් මිළදී ගෙන , මැලේසියාවේ ක්වාලාලම්පූර් නුවර වෙත පැමිණ , එතැන් සිට මැලේසියානු ගුවන් සේවයේ එම්.එච්.- 179 දරන ගුවන් යානයෙන් 11/16 දින අලුයම 12.00 ට කටුනායක ගුවන් තොටුපොළ වෙත පැමිණ තිබුණි .
එහිදී ඔහු විසින් රැගෙන ආ ගමන් මලු 02 ක් තුළ වූ , විදේශීය මත්පැන් බෝතල් අසුරා තිබූ පෙට්ටි 02 ක් තුළ , මෙම " කුෂ්" මත්ද්රව්ය කිලෝ ග්රෑම් 04 ග්රෑම් 384 ක ප්රමාණය , පැකැට් 05 ක් ලෙස අසුරා , සකස් කර සගවා ගෙන තිබුණි .
මේ පිළිබද වැඩිදුර විමර්ශන කටයුතු සදහා මෙම ගුවන් මගියා සහ ඔහු විසින් රැගෙන ආ " කුෂ්" මත්ද්රව්ය තොගය කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දීමට පියවර ගෙන තිබේ .

popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
