ටිපර් රථයට තරුණයෙකු යටවි මියයාමේ සිද්ධිය පාලනයට STF යොදවයි

බුලත්සිංහල   පරගොඩ දඹල  ප්‍රදේශයේදී   යතුරුපැදියකින් ගමන් ගත් තරුණයෙකු  අද( 27)  ටිපර් රථයකට යට වී මිය යාමෙන්  කුපිත වූ ප්‍රදේශවාසීන් ටිපර් රථයට පහරදී ගිනි තැබීමට උත්සාහ කිරීමත් සමගම දැඩි වෙහෙසක් දරා එය වළක්වා ගත් බව බුලත්සිංහල පොලිසිය කියයි

එම සිද්ධියෙන් ප්‍රකෝප වූ ප්‍රදේශවාසීන් පාලනය කිරීම සඳහා අවට පොලිස් ස්ථාන වල නිලධාරීන් මෙන්ම මතුගම පොලිස් විශේෂ කාර්ය බලකායේ නිලධාරීන් ද කැඳවීමට පියවර ගත් බව පොලිස් නිලධාරියෙක් පැවැසීය 

අනතුරින් මියගොස් ඇත්තේ පරගොඩ ගලහිටිය ප්‍රදේශයේ  ප්‍රදේශයේ පදිංචිව  සිටි එම් එම් සසංක 21තරුණයෙකි

කුපිත වූ ප්‍රදේශවාසීන් ටිපර් රථයේ ඉදිරිපස කොටස පහළට නවා එහි ඉදිරිපස වීදුරු වලට  පොලු මුගුරුවලින් පහර දී  දොරවල් ද කඩා බිඳ දමා දැඩි අලාභානි සිදු කර ඇතැයි ඇතැයි පොලිස් නිලධාරියෙක් පැවැසීය 

සිද්ධියෙන් බරපතළ තුවාල ලැබූ යතුරුපැදියේ පසුපස ගමන්ගත තරුණයා  1990 සුවසැරිය ගිලන් රථයෙන් බුලත්සිංහල රෝහලට ඇතුලත් කිරීමෙන් අනතුරුව වැඩිදුර ප්‍රතිකාර සඳහා  හොරණ මූලික රෝහල වෙත රැගෙන යාමට කටයුතු කළ බව  රෝහල් ප්‍රකාශකයෙක් පැවසීය 

කළු ගල් පටවා   බුලත්සිංහල පරගොඩ මාර්ගයේ මෝල්කාව දෙසට ධාවනය වෙමින් තිබූ ටිපර්  රථයකට  යතුරු පැදියෙන් ගමන් ගත් තරුණයන් දෙදෙනෙක් එයට ඉස්සර කිරීමට යාමේදී යතුරු පැදිය ටිපර් රථයේ බඳේ ගැටී මත් සමග පැදිකරු සහ පසු පැදිකරු ටිපර් රථය යටට ගොස්  පැදිකරු ගේ හිස විරෝධයකට අසුවී එම ස්ථානයේදීම මියගොස් තිබූ බව පොලිසිය කියයි 

පසු පැදිකරුගේ පාදයකට සහ අතකට බරපතළ තුවාල සිදුවී  ඔහු 1990 සුවසැරිය ගිලන් රථයෙන් බුලත්සිංහල රෝහලට ඇතුලත් කිරීමෙන් අනතුරුව වැඩිදුර ප්‍රතිකාර සඳහා හොරණ මූලික රෝහලට ඇතුළත් කළ බව බුලත්සිංහල රෝහලේ ප්‍රකාශකයෙක් පැවසීය 

සිදුවූ අනතුරක් සමඟම අනතුරක් සමග  ප්‍රකෝප වූ ප්‍රදේශවාසීන් පාලනය කිරීම සඳහා අවට පොලිස් ස්ථාන වල නිලධාරීන් කැඳ වුවද පාලනය කරගත නොහැකි වූ හෙයින් පොලිස් විශේෂ කාර්ය බලකා  නිලධාරීන්  කැඳවා තත්ත්වය පාලනය කිරීමට  පියවර ගත් බව උසස් පොලිස් නිලධාරීයෙක්  පැවසීය