චීනය බදු සහන ලැයිස්තුව පුළුල් කරයි

ශ්‍රී ලංකාව ඇතුළු රටවල් පහකින් චීනයට ආනයනය කරන භාණ්ඩ වෙනුවෙන් පනවා තිබූ ආනයනික බදු අඩු කිරීමට චීනය කටයුතු කර තිබේ. මුලින්ම සෝයා බෝංචි වෙනුවෙන් පැවැති ආනයනික බද්ද 3% සිට 0 % දක්වා අඩු කළ අතර මේ වන විට එය තවත් පළුල් කර තිබේ.

ඒ අනුව රසායනික ද්‍රව්‍ය, කෘෂිකාර්මික නිශ්පාදන, වෛද්‍ය සැපයුම්, ඇඳුම්, වානේ, ස්වාභාවික ද්‍රව වායු වෙනුවෙන්ද බදු සහන ලබාදීමට ඔවුන් කටයුතු කර තිබේ.ස්වාභාවික ද්‍රව වායු සඳහා පනවා තිබූ බදු 3% සිට 2.1%ක් දක්වා අඩුකර ඇත.

චීනය විසින් ඇමෙරිකාවට අපනයනය කරන භාණ්ඩ සඳහා ඇමෙරිකාව විසින් 25%ක බද්දක් අය කිරිමට තීරණය කිරිමත් සමග චීනය මෙසේ රටවල් පහකට බදු සහන ලබාදී ඇත.

ශ්‍රී ලංකාව, ලාඕසය, ඉන්දියාව, බංග්ලාදේශය හා දකුණු කොරියාව යන රටවල් මෙයින් ප්‍රතිලාභ ලබයි.