ග්‍රාම නිලධාරී විරෝධයක් නිසා පාර්ලිමේන්තු වට රවුමේ ට්‍රැෆික්

බත්තරමුල්ල පාර්ලිමේන්තු වටරවුම ආශ්‍රිතව දැඩි රථවාහන තදබදයක් නිර්මාණය වී තිබේ. ග්‍රාම නිලධාරි සංගමය විසින් පවත්වන විරෝධතාවක් හේතුවෙන් මෙම රථවාහන තද බදය නිර්මාණය වී තිබේ.

බොරැල්ල - රාජගිරිය දෙසින් බත්තරමුල්ල දක්වා ගමන් ගන්නා වාහන මෙන්ම පැලවත්ත ප්‍රදේශයෙන් බත්තරමුල්ල දෙසට පැමිණෙන මාර්ග වලත් මෙසේ දැඩි රථවාහන තදබදයක් නිර්මාණය වී තිබේ.  

අද දිනයේදී අයවැයද පාර්ලිමේන්තුවට ඉදිරිපත් කිරීමට නියමිතය. ඉල්ලීම් අටක් මුල්කරගනිමින් ඔවුන් මෙම විරෝධතාව පවත්වයි. ග්‍රාම නිලධාරීන් විරෝධතාවක නිරත වන්නේ ප්‍රථම වරට බවද කියැවෙයි. 

ඡායාරූප ඉසුරු පෙරේරා