ආසියානු වොලිබෝල් තරගාවලියේ ලංකාව අවසන් පූර්ව තරගයට

ආසියානු අභියෝග ශූරතා පිරිමි වොලිබෝල් තරගාවලියේ ඊයේ (19දා) පැවති අර්ධ අවසන් පූර්ව තරඟයෙන් එක්සත් අරාබි එමීර් රාජ්‍යය පරදා සුවිශේෂී ජයක් හිමිකර ගැනීමට ශ්‍රී ලංකාව සමත් විය. තරග වට 3-0ක් ලෙස ශ්‍රී ලංකාව තරගය ජයගැනීමට සමත්විය. තරගයේ ලකුණු තත්ත්වය දැක්වූයේ  25 - 20, 25-17 සහ 25-15 ලෙසය.

ශ්‍රී ලංකා ක්‍රීඩකයෝ තරගය ආරම්භයේ පටන්ම හොඳින් ක්‍රීඩා කළ අතර එක්සත් අරාබි  එමීර් රාජ්‍යයේ ක්‍රීඩකයින්ට ලකුණු 20 සීමාවට පැමිණීමට හැකි වූයේ එක් අවස්ථාවකදී පමණකි.

ශ්‍රී ලංකාව එක්වෙන අවසන් පූර්ව තරගය අද (20දා) ඉරාක කණ්ඩායම සමගින් පැවැත්වීමට නියමිතය.

ඡායාරූප ඉසුරු පෙරේරා

.