ඇමති විමලවීරට විරෝධය පා වනජීවී නිලධාරීන් වැඩ වර්ජනයකට

- 26 11 2020 - 15:49 - {{hitsCtrl.values.hits}} views - හැටන් රංජිත් රාජපක්ෂ

වනජිවි නිලධාරින්ට තර්ජනය කරමින් පොලෙන්නරුව ජල ගැලුම් නිම්න රක්ෂිතයේ මාර්ගයක් ඉදි කිරිමට සහ ගෘහස්ථ ගවයන් රක්ෂිතය තුළට ඇතුල් කිරීමට ඉඩ ලබාදෙන ලෙසට වනජිවී නිලධාරින්ට බලපැම් කර තර්ජනය කිරිමට විරෝධය දක්වමින් හෙට (27දා) දින දිවයින පුරා වනජිවි නිලධාරින් සංඛේත වැඩ වර්ජනයක නිරත වන බව සමස්ත ලංකා ඒකාබද්ධ වනජිවි නිලධාරින්ගේ සංගමයේ සභාපති ප්‍රභාෂ් කරුණාතිලක මහතා අවධාරණය කරයි.

මාධ්‍යයට විශේෂ ප්‍රකාශයක් කරමින් අද (26දා) කරුණාතිලක මහතා වැඩිදුරටත් කියා සිටියේ වනජීවී රාජ්‍යය අමාත්‍යවරයා විසින් වන සත්ව සහ වෘක්ෂ ලතා අඥා පනතට පටහැනිව කටයුතු කරන ලෙසට වන ජීවී නිලධාරීන්ට බල කිරීම සහ දෙපාර්තුමේන්තු බලධාරින් හෙළා දැකිමට විරුද්ධව එකාබද්ධ වනජිවි නිලධාරින්ගේ සංගමය සහ වනජිවි එකමුතුව විසින් එක් දින සංඛේතාත්මක වෘත්තිය ක්‍රියා මාර්ගයකට පැමිණි බවයි.