මහවැලි අධිකාරිය සතු විශාලතම යන්ත්‍රෝපකරණ අලුත්වැඩියා ඒකකය වල්වැදී විනාශ මුඛයට
එම බොහෝ වාහන අයාලේ අතහැර දැමීමෙන් මේ වන විටත් මළකා, දුර්වර්ණව විනාශ වී තිබේ. වෑන්, කැබ්, කාර්, ට්‍රපර්, කැන්ටර්, ජිප්, ලොරි, ට්‍රැක්ටර් ආදි රථ වාහන ගණනාවක් ඒ අතර වන බව සදහන්වේ. වැව් ආශ්‍රිතව වැවෙන ජපන් ජබර, සැල්වීනියා ආදි ජලජ ශාක ඉවත් කිරීමට භාවිතයට ගැනෙන බව පැවසෙන මිලියන 60 කට වැඩි වටිනාකමකින් යුතු යන්ත්‍රයක් ද ඉකුත් සමයේ මෙහි ගෙනවිත් දමා ඇති අන්දම දැකගත හැකිය. අයාලේ අතහැර දමා ඇති එම යන්ත්‍රය ද අව්නෙක්, වැස්සෙන් පීඩා විදිමින් මේ වන විට මුළුමනින්ම විනාශ වීමේ අවධානමට ලක්ව තිබේ. මෙහි සේවක පිරිසක්ද ඇතත් ඔවුනගෙන් සිදුවන සේවය ඉතා අල්ප වී ඇතැයි කියැවේ.
1976 වර්ෂයේ ජනවාරි මස අටවන දින දී එවක මෙරට අග්‍රමාත්‍ය සිරිමාවෝ බණ්ඩාරනායක මැතිණිය විසින් මහවැලි ව්‍යාපාරයේ පළමු වෑයම ලෙස පොල්ගොල්ල වේල්ල විවෘත කරනු ලැබීය. එහි දියවර කි.ව. 455 - 473 වකවානුවේ ධාතුසේන රජදවස ඉදිව ඇති කලාවැව තෙක් ගලා ආයේ මහවැලි ව්‍යාපාරයේ ආරම්භය සනිටුවහන් කරමිනි. එමගින් ඇරඹුණු සප්ත කලාපීය මහවැලි සංවර්ධන ව්‍යාපාරය මගින් රටෙහි සංවර්ධන ක්‍රියාවලිය නව මානයකට ගෙන ගියේය.
ඒ අනුව එවැනි කටයුත්තක් සදහා පමණක් සුවිශාල සේවක පිරිසක් නඩත්තු කිරීමේ අවශ්‍යතාවක් නොවන බවට කරුණු සාකච්ඡා වෙමින් තිබිණි. දුෂණ, වංචා සහ අකාරක්ෂමතාවය මෙන්ම කාලීනව අවශ්‍යතාවක් නොවීම පාදක කොටගෙන මහවැලිය වසා දැමීමේ තීන්දුවක් ද ඉකුත් රජය මගින් ගනු ලැබු බවද කියැවිණි.
එයට සාතිශය බුහතරයක් වු ගොවි ජනතාවගේ විරෝධයක් තිබුනේ ද නැත. මේ සියලු පව් සමග මහවැලිය නැවත යතාවත් කිරීම ඉතා දුෂ්කර වී තිබේ. එහෙත් ඒ පවට කරගැසීමට තරම් වත්මන් ආණ්ඩුව එඩිතර වී ඇත. එය ප්‍රායෝගිකව කොතරම් දුෂ්කර කාර්යක්ද යන්නට මේ වල්වැදී විනාශ වෙමින් ඇති යන්ත්‍රෝපකරණ අලුත්වැඩියා ඒකකය තවත් එක් නිදසුනක් පමණක් බව අවසන සදහන් කළ හැකිව තිබේ.
ප්‍රදීප් රණතුංග
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
