සුආරෙස් උරු‍ගුවේට ජයගෙනෙයි

උරුගුවේ 2   එංගලන්තය 1

ලෝක කුසලාන පාපන්දු තරගාවලිය යටතේ අද (20දා) අලුයම සාඕ පෝලෝහිහි කොරින්තියාන්ස් ක්‍රීඩාංගණයේ පැවැති ‘ඩී’ කාණ්ඩයේ තරගයකින් එංගලන්ත කණ්ඩායම පරාජය කර ගෝල 2-1 ජයක් ලැබීමට උරුගුවේ කණ්ඩායම සමත්විය.

උරුගුවේ වෙනුවෙන් ඔවුන්ගේ සුපිරි තරුව වන ලුයිස් සුආරෙස් ක්‍රියාත්මක වෙමින් තරගයේ 39 හා 85 මිනිත්තුවලදී ගෝල වාර්තා කිරීමට සමත්වූ අතර, එංගලන්තය වෙනුවෙන් වේන් රූනි 75 වැනි මිනිත්තුවේදී ගෝලයක් වාර්තා කිරීමට සමත්විය.

ජපානය  0  ග්‍රීසිය  0

ජපානය හා ග්‍රීසිය අතර ඩාස් ඩුනාස්හි අද (20) අලුයම පැවැති තරගය ජය පැරදුමෙන් තොරව අවසන් විය. කණ්ඩායම් දෙකටම මෙම තරගයේදී ගෝල වාර්තා කිරීමට නොහැකි විය.

කොළොම්බියාව 2   අයිවරි කෝස්ට් 1

බ්‍රසීලියාහි නාසියෝනාල් ක්‍රීඩාංගණයේ ඊයේ (19දා) පැවැති ‘සී’ කාණ්ඩයේ තරගයකින් අයිවරි කෝස්ට් කණ්ඩායම පරාජය කර ගෝල 2-1 ක ජයක් ලැබීමට කොළොම්බියා කණ්ඩායම සමත්විය.

ජේම්ස් රොඩ්‍රිගස් (64), ජුවන් ක්‍යුයිටෙරෝ (70) කොළොම්බියාව වෙනුවෙන් ගෝල වාර්තා කළ අතර, අයිවරි කෝස්ට් වෙනුවෙන් ගෙරනිහෝ (73) ගෝලයක් වාර්තා කළේය.