සංගා සරේ කණ්ඩායමට ලකුණු 1000 පසුකරයි

ජාත්‍යන්තර ක්‍රිකට් පිටියෙන් විශ්‍රාම ගැනීමෙන් පසුව මේ වන විට ප්‍රාන්ත තරග සඳහා ක්‍රීඩා කරන කුමාර් සංගක්කාර එහිදී එංගන්තයේ සරේ කණ්ඩායම හා දක්වන දක්ෂතා පිළිබඳව බොහෝ දෙනෙකුගේ අවධානය යොමුව තිබේ.

එංගලන්ත පළමු පෙළ තරගාවලියට සරේ කණ්ඩායම නියෝජනය කරමින් ක්‍රීඩා කරන සංගා ඊයේ දිනයේදී එම කණ්ඩායම වෙනුවෙන් ලකුණු 48ක් රැස්කිරිමට සමත්වූ අතර ඒ අනුව ඔහු මෙවර එංගලන්ත පළමු පෙළ තරගාවලියදී ලකුණු 1000 සීමාව පසුකර යාමටත් සමත්විය.

මෙවර තරගවලියට එක්ව සිටින එංගලන්තයේ ක්‍රීඩකයන් අතරින් මේ දක්වා ලකුණු 1000 සීමාව පසුකිරීමට සමත්ව ඇත්තේ ක්‍රීඩකයන් 9 දෙනෙකු වන අතරි එයින් එක් ක්‍රීඩකයෙකු වන්නේද සංගායි.

ඔහුට ලකුණු 1000සීමාව පසුකිරීමට වැයව ඇත්තේ තරග 12කි. එසේම ක්‍රීඩා කර ඇත්තේ ඉනිම 21කි. අනෙක් සියලුම ක්‍රීඩකයන් තරග 15ට වඩා ක්‍රීඩා කරමින් මෙම ලකුණු 1000සීමාව පසුකර යාමට සමත්ව තිබේ.

එසේම සමර්සෙට් කණ්ඩායම නියෝජනය කරන 40 හැවැරිදි මාකස් ටෙස්කොතික්ද ලකුණු 1000සීමාව පසුකිරීමට සමත්වූ අතර සංගාට ලබන මාසයේදී සිය 39 වැනි විය සම්පූර්ණවෙයි.