ශ්‍රී ලංකාවේ එකම සැලසිල්ලත් ඉවතට

සංචාරක ශ්‍රී ලංකා කණ්ඩායම පරාජය කර සවුත්හැම්ටන්හි අද (06දා) අළුයම (මෙරට වේලාවෙන්) අවසන් වූ එකම විස්සයි20 තරගයෙන්ද කඩුලු 08ක පහසු ජයක් ලැබීමට සත්කාරක එංගලන්ත කණ්ඩායම සමත්විය.

ද රෝස් බෝල් ක්‍රීඩාංගණයේ පැවති මෙම තරගයේ පළමුව පන්දුවට පහරදුන් ශ්‍රී ලංකා කණ්ඩායමට පන්දුවාර 20 අවසනදී සියල්ලන් දැවී රැස්කිරීමට හැකිවූයේ ලකුණු 140ක් පමණි.

පිළිතුරු ඉනිම ක්‍රීඩාකළ එංගලන්ත කණ්ඩායම ලකුණු 142ක පහසු ඉලක්කය තරගයේ 17.3 වැනි පන්දුවාරයේදී කඩුලු 02ක් පමණක් වැයකරමින් පසුකර යාමට සමත්විය.

ඒ අනුව ටෙස්ට් (2-0) හා එක්දින (3-0) තරගාවලි පරාජයවී සිටි ශ්‍රී ලංකා කණ්ඩායමට ඉතිරිව තිබූ එකම විස්සයි20 තරගයද පරාජයවී හිස් අතින්ම ගෙදර ඒමට සිදුවිය. ශ්‍රී ලංකාවට හිමිව තිබූ එකම සැනසිලිදායක ජයග්‍රහණය වූයේ අයර්ලන්තයට එරෙහි එක්දින තරගාවලිය ජයගැනීම (2-0) පමණි.