ශ්‍රී ලංකාවට වඩා ඔස්ට්‍රේලියාවේ කැමැත්ත ඉන්දියාවටයි

ශ්‍රී ලංකා කණ්ඩායම හා ඔස්ට්‍රේලියා කණ්ඩායම අතර එළැඹෙන වසරේදී විස්සයි-20 තරග තුනක් පැවැත්වීමට නියමිතය. එහි අවසන් තරගය පෙබරවාරි 22දා රාත්‍රියේදී පැවැත්වීමට නියමිත අතර ඉන්දීය කණ්ඩායම හා ඔස්ට්‍රේලියා කණ්ඩායම අතර පවතින ටෙස්ට් තරගාවලියේ පළමු තරගය 23දා ආරම්භවීමට නියමිතය.

ඒ අනුව ඔස්ට්‍රේලියා කණ්ඩායමට ශ්‍රී ලංකාව හා පැවැත්වෙන විස්සයි-20 තරගාවලියට මෙන්ම,ඉන්දියාව හා පැවැත්වෙන ටෙස්ට් තරගාවලියට වෙනස්ම කණ්ඩායම් දෙකක් තෝරාගැනීමට ඔස්ට්‍රේලියා කණ්ඩායමට සිදුවෙනු ඇති බවත් ඔස්ට්‍රේලියානු නායක ස්ටීවන් ස්මිත් හා වැඩබලන නායක ඩේවිඩ් වෝනර් බොහෝදුරට ශ්‍රී ලංකා තරගාවලියට ක්‍රීඩා නොකරනු ඇති බවත් ඔස්ට්‍රේලියා මාධ්‍ය වාර්තා කරයි.

එක් තරගාවලියක සිට තවත් තරගාවලියකට අඩුම කාලයකින් ඔස්ට්‍රේලියා කණ්ඩායමට තරග කිරීමට සිදුව ඇති පළමු අවස්ථාව මෙය බවත් ඔස්ට්‍රේලියානු මාධ්‍ය වාර්තා සඳහන් කරයි.