ශ්‍රී ලංකාව ජය පෙනෙන මානයේ

ලකුණු 350ක ඉලක්කයක් හඹායාම සඳහා පිටියට පිවිසි එංගලන්ත කණ්ඩායම ඊයේ (23දා) සිවුවැනි දිනයට තරගය නවත්වන විට කඩුලු 5ක් දැවී ලකුණු 57ක් රැස්කරගෙන ඉතා අපහසු අඩියක පසුවිය. ශ්‍රී ලංකා කණ්ඩායමට මෙම තරගය ජයගැනීම සඳහා අද (24දා) දිනයේදී තවත් කඩුලු 5ක් දවාගත යුතු අතර එංගලන්තයට තරගය ජයගැනීමටනම් අද දිනයේදී තවත් ලකුණු 293ක් ලබාගත යුතුය.

මේ සියලු තත්ත්වයන් හමුවේ තරගය ජයගැනීම සඳහා ශ්‍රී ලංකාවට වැඩි ඉඩක් පවතියි.

--------------------------------------------------------------------------------------------------------

6.45 P.M.එංගලන්ත කණ්ඩායම හා පැවැත්වෙන දෙවැනි ටෙස්ට් තරගයේ සටන්කාමී ඉනිමක් ක්‍රීඩා කරමින් සිටින ඇන්ජලෝ මැතිව්ස් සිය ශතකය මීට සුළු මොහොතකට පෙර වාර්තා කළේය. එය ඔහුගේ ටෙස්ට් දිවියේ සිව්වැනි ශතකය වෙයි. 

--------------------------------------------------------------------------------------------------------

4.50 P.M. සිය දෙවැනි ඉනිම ක්‍රීඩාකරමින් සිටින ශ්‍රී ලංකා කණ්ඩායම මේ වන විට පන්දුවාර 91ක් අවසානයේදී කඩුලු 7කට ලකුණු 280ක් රැස්කරගෙන සිටියි. දිනයේ පළමු කඩුල්ල ලෙස ශ්‍රී ලංකා ඉනිම ගොඩ නැංවූ මහේල ජයවර්ධන (79) දැවී ගියේය.

ශ්‍රී ලංකා කණ්ඩායම මේවන වි එංගලන්ත පළමු ඉනිමට වඩා ලකුණු 172ක් ඉදිරියෙන් සිටියි. නොදැවී පන්දුවට පහරදෙන ඇන්ජලෝ මැතිව්ස් ලකුණු 58ක් රැස්කරගෙන සිටියි. අද තරගයේ සිවුවැනි දිනයයි.