වසර තිහකට පසු ගුවන් හමුදාව ඉදිරියේ මහනුවර පරාජය

ශ්‍රී ලංකා රග්බි ඉතිහාසයේ වසර තිහකට පසු  මහනුවර කණ්ඩායමට එරෙහි ව  ජයක් වාර්තා කිරීමට‍ ගුවන් හමුදාව  සමත් විය. ඒ මෙවර ඩයලොග් අන්තර්සමාජ ලීග් රග්බි තරගාවලියේ පෙරේදා (11) පැවති තරගයකින් මහනුවර කණ්ඩායම පරදා ලකුණුි 24-21 ක ජයක් හිමි කර ගනිමිනි.

රත්මලාන ගුවන් හමුදා ක්‍රීඩා පිටියේදී පැවති තරගයේ පළමු  අර්ධයේ පටන් මහනුවර කණ්ඩායමට අමතක නොවන තරගයක්  ලබා දුන්  ගුවන් හමුදාවෝ පළමු අර්ධය ලකුණු  14-07 ක් ලෙස ඉදිරියෙන් සිටිමින් අවසන් කළහ.

ගුවන් හමුදාව ගෝල දිනුම් තුනක්  හා එක් දඩුවම් පහරක් මගින්  සිය ලකුණු රුස් කරද්දී මහනුවරට සාර්ථක කරගත හැකි වූයේ ගෝල දිනුම් 3 ක් පමණි.

මහනුවර කණ්ඩායම රග්බි පිටියේ (පසලොස් සාමාජික) පරාජයක් ලැබුවේ පසුගිය (2014/2015) රග්බි තරගාවලියෙන් පසුව වීම විශේෂත්වයක් වූ අතර ඔවුන් ගුවන් හමුදාව ඉදිරියේ අවසන් වරට පරාජයට පත් වී ඇත්තේ  1986 වර්ෂයේ පැවති ක්ලිෆර්ඩ් කුසලාන තරගාවලියේදීය.