ලෝඩ්ස්හි ශතකයක් අවශ්‍ය කර තිබුණා - සංගා

තමන්ට සෑම මොහොතකම ලෝඩ්ස් ක්‍රීඩාංගණයේ ශතකයක් අවශ්‍යකර තිබූ බව ශ්‍රී ලංකා සුපිරි පිතිකරු කුමාර් සංගක්කාර පැවසීය. ලොඩ්ස් පිටියේ සිය පළමු ටෙස්ට් ශතකය වාර්තා කිරීමට සංගා ඊයේ (14දා) සමත්වූ අතර, ඒ පිළිබඳව අදහස් දක්වමින් ‘ස්කයි ස්පෝර්ට්ස් සේවයට’ සංගා ඉහත අදහස් ප්‍රකාශ කර තිබේ.

“ලෝඩ්ස් පිටියේදී ශතකයක් මට හැමවේලාවෙම අවශ්‍ය කර තිබුණා. බොහෝවිට මෙය මගේ අවසන් එංගලන්ත සංචාරය විය හැකිය. මේ සංචාරයට එද්දී මට විනෝද වෙන්න අවශ්‍ය වුණා. එය සිදුවුණානම් (ලෝඩ්ස් පිටියේදී ශතකයක් ලැබුවා නම්) . ලෝඩ්ස් කියන්නේ ක්‍රිකට් ක්‍රීඩා කරන්න තිබෙන විශේෂ තැනක් .” යැයි සංගා වැඩිදුරටත් පැවසීය.