රෙඩ් බුල් කැම්පස් කිරුළ ශ්‍රී ලංකාවට

ලෝකයේ විශ්වවිද්‍යාල ක්‍රිකට් කණ්ඩායම් අතර පැවැත්වෙන පන්දුවාර විස්සයි20 ක්‍රිකට් තරගාවලිය වන රෙඩ්බුල් කැම්පස් ක්‍රිකට් තරගාවලියේ කිරුළ ශ්‍රී ලංකාව විසින් පළමුවරට හිමිකර ගන්නා ලදී.

ඒ ගාල්ල ජාත්‍යන්තර ක්‍රීඩාංගණයේදී ඊයේ (11දා) නිමාව දුටු තරගාවලියේදී බංග්ලාදේශයේ ලිබරල් ආට්ස් විශ්වවිද්‍යාල කණ්ඩායම පරාජය කරමින් ලකුණු 24ක පහසු ජයක් වාර්තා කිරීමට කොළඹ බිස්නස් මැනේජ්මන්ට් විශ්වවිද්‍යාල කණ්ඩායම සමත්වීමත් සමගිනි.

අවසන් මහ තරගයේදී මුලින්ම පන්දුවට පහරදුන් කොළඹ බිස්නස් මැනේජ්මන්ට් කණ්ඩායම පන්දුවාර 20 ඇතුළතදී ලකුණු 191ක් රැස්කළේය. වේගවත් පිතිහරඹයක නිරත වූ රනිත ලියනආරච්චි පන්දු 27කදී වේගවත් ලකුණු 52ක් රැස්කිරීමට සමත්විය.

ලකුණු 192ක ජයග්‍රාහී ඉලක්කයක් හඹාගිය බංග්ලාදේශ කණ්ඩායමට රැස්කළ හැකිවූයේ කඩුලු 6ට ලකුණු 167ක් පමණි.