පළමු දිනයට තරගය අත්හිටුවයි

(update) - ප.ව. 4.21

සවස තේ පානයෙන් පසු ඇඳහැළුණු වර්ෂාව හේතුවෙන් තරගය අද දිනයට තරගය අත්හිටුවීමට කටයුතු කළේය. ඒ අනුව තරගය හෙට (27දා) පෙ.ව. 9.45 ආරම්භ කිරීමට නියමිතව ඇත.

තරගයට වාර්ෂාවෙන් බාදා

(ප.ව. 3.10)

ක්‍රීඩාංගණයට මේ වනවිට වර්ෂාව ඇඳහැලෙමින් තිබේ. ඒ හේතුවෙන් ක්‍රීඩාංගණය ආවරණය කරන්නන් කඩිනමින් ක්‍රීඩාංගණය ආවරණය කරමින් සිටියි.

පල්ලෙකැලේ ඉහළ අහස අදුරු වෙයි

(ප.ව. 300)

මේ වනවිට ක්‍රීඩාංගණයට ඉහළ අහස අදුරු වෙමින් තිබේ. ක්‍රීඩාංගණයට පසුපසින් තිබෙන කඳු වලල්ල දැඩි මීදුමෙන් වැසී තිබේ. කෙසේ නමුත් තවම වැසි තහිත තත්ත්වයක් පෙනෙන්නට නොමැත. ඊයේ දිනයේද ප.ව. 4.00 පමණ වනවිට පල්ලේකැලේ අවට ප්‍රදේශයට වාර්ෂාව ඇඳහැලුණි. මේ වනවිට ක්‍රීඩා පිටිය ආවරණය කරන්නන් කඩිනමින් ක්‍රීඩාංගණය වෙතට පැමිණෙමින් සිටියි.

ඔස්ට්‍රේලියාව සාර්ථකව ඉනිම ගොඩනගයි

තේ පානය සඳහා තරගය නතර කරන විට පළමු ඉනිම ක්‍රීඩාකරමින් සිටි ඔස්ට්‍රේලියානු කණ්ඩායම පන්දුවාර 20ක් අවසනදී කඩුලු 02ක් දැවී ලකුණු 66ක් රැස්කරගෙන සිටියි.

නොදැවී කඩුල්ලේ රැදී සිටින නායක ස්ටීවන් ස්මිත් ලකුණු 28ක් හා උස්මාන් කවජා ලකුණු 25ක් ලබා සිටියි. මේ වනවිට පන්දුවාර 16ක් ක්‍රීඩාකරමින් සිටින ඔවුන් දෙදෙනා ලකුණු 59ක සබඳතාවක් ගොඩනගා සිටියි.

ශ්‍රී ලංකා පන්දු යවන්නෝ සාර්ථක ආරම්භයක් ලබගනිමින් ඔස්ට්‍රේලියානු ඉනිමේ ආරම්භක පිතිකරු යුගලය ලකුණු 07ක් ඇතුලත ක්‍රීඩාගාරයේ අසුන් ගැන්වීමට සමත්විය.

ඔස්ට්‍රේලියානු ඉනිමේ පළමු කඩුල්ල ලෙස ඩේවිඩ් වෝනර්, නුවන් ප්‍රදීප්ගේ පන්දුවක් කඩුල්ලේ වැදී ලකුණු නොලබාම පිටියෙන් ඉවත්ව ගියේය. ඉන් අනතුරුව වැඩි වේලාවක් කඩුල්ලේ රැදී සිටීමට නොහැකිවූ ජෝ බන්ස්ද රංගන හේරත්ගේ පන්දුවක් කඩුල්ලේ වැඩී පිටියෙන් ඉවත් ගියේය.

ශ්‍රී ලංකාව ලකුණු 117කට සීමාවෙයි

ශ්‍රී ලංකා පළමු ඉනිම ලකුණු 117කට සිමාකිරීමට ඔස්ට්‍රේලියානු පන්දු යවන්නෝ දැන් සමන්විය.