දුවමින් නොව පනිමින් ලබාගත් රන් පදක්කම

රියෝ ඔලිම්පික් තරගාවලියේ මිටර් 400 කාන්තා අවසන් මහ තරගයේ රන් පදක්කම බහමාස්හි ශෝනි මිලර් දිනා ගැනීමට සමත්වූවාය. ඊයේ (15දා) රාත්‍රියේ පැවැති අවසන් තරගයේදී ඇය තරගය අවසන් කළ අකාරය පිළිබඳව බොහෝ දෙනෙකු මේ වන විට කතාබහට ලක්කර තිබේ.

තරගයේ අවසන් අධියරේදී මිලර් හා ඇමෙරිකාවේ ඇලිසන් ෆීලීක්ස් අතර තියුණු තරගයක් පවතියේය. ඒ අනුව මිලර් මෙම අභියෝගය ජය ගැනීමට කටයුතු කරන්නේ තරගයේ අවසන් සීමාවට පනිමිනි.

ඒ අනුව මිලර්ට රන් පදක්කම හිමිවෙන අතර ඇය තරගය නිමා කිරීමට ගත කරන කාලය තත්පර 49.44ක් ලෙස සටහන් වෙයි. ෆීලික්ස් තරගය නිමා කිරීමට ගත කරන කාලය තත්පර 49.51කි. තරගයේ ලෝකඩ පදක්කම ජැමෙයිකාවේ ෂෙරිකා ජැක්සන් හිමිකර ගන්නා අතර ඇය තරගය නිමා කළේ තත්පර 49.85කිනි.