දිවා රාත්‍රී ටෙස්ට් තරග ඉන්දියාවටත්

 දිවා රාත්‍රී ටෙස්ට් තරගයක් ප්‍රථම වරට ඉන්දියාවේදී පැවැත්වීමට ඉන්දීය ක්‍රිකට් පාලක මණ්ඩලය යෝජනා කර ඇත. එය ඔක්තෝබර් මස කොල්කටා ඊඩ්න් ගාඩ්න්ස්හිදී පැවැත්වෙන ඉන්දියා නවසීලන්ත පළමු ටෙස්ට් තරගය ඒ සඳහා යොදාගැනීමට නියමිතය.

ඊට පෙර සූදානමක් වශයෙන් රෝස පැහැති කුකබුරා පන්දුව භාවිත කරමින් ඉන්දීය සිව්දින සුපර් ලීග් තරගාවලියේ අවසන් තරගය ඊඩ්න් ගාඩ්න්ස් පිටියේදී පසුගියදා පැවැත්විණි.

පළමු දිවා රාත්‍රී ටෙස්ට් තරගය පසුගිය වසරේදී ඔස්ට්‍රේලියාව හා නවසීලන්තය අතර ඇඩිලේඩ්හි පැවැත්වීය.