දයාසිරිට 7 වැනි ශ්‍රේණිගේ ගෞරව කළුපටියක්

ක්‍රීඩා අමාත්‍ය නීතිඥ දයාසිරි ජයසේකර මහතාට කුකිවොන්  තයිකොන්ඩෝ මූලස්ථානය විසින් 7 වැනි ශ්‍රේණියේ තයිකොන්ඩෝ ගෞරව කළු පටියක් පිරිනමා තිබේ.

එම මූලස්ථානය විසින් කිසියම් රාජ්‍යයක ක්‍රීඩා අමාත්‍යවරයෙකුට ප්‍රදානය කරනු ලබන ගෞරව කළුපටිහි උපරිම ශ්‍රේණිය 6 වන අතර, දයාසිරි ජයසේකර මහතා වූෂු ක්‍රීඩාව ඇතුළු තවත් ආත්මාරක්ෂක සටන්ක්‍රම  හදාරමින් පෙන්වා ඇති දක්ෂතා හේතුවෙන් පැවැත එන සම්ප්‍රදාය ඉක්මවා 7 වැනි ශ්‍රේණියේ කළු පටියක් ප්‍රදානය කිරීමට කටයුතු යොදා තිබීම විශේෂත්වයක් විය.

කොරියන් රජයේ ආරාධනය අනුව තෙදින නිල සංචාරයක එක්වූ  අවස්ථාවේදී ඔහුට මෙම ගෞරව කළුපටිය ලැබී ඇත.