තිලාන්ගෙන් උපක්‍රම ඩැහැ ගන්න ඔස්ට්‍රේලියාවේ සූදානමක්
ශ්‍රී ලංකා ටෙස්ට් කණ්ඩායමේ හිටපු පිතිකරු තිලාන් සමරවීරගෙන් උපදෙස් ලබා ගැනීමට එළඹෙන ශ්‍රී ලංකා සංචාරය වෙනුවෙන් සහභාගිවන ඔස්ට්‍රේලියානු ක්‍රීඩකයන් කිහිප දෙනෙකු මේ වනවිට ක්‍රියා කරන බව වාර්තා වේ.
තිලාන් සමරවීර දැනටමත් බ්‍රිස්බේන්හි ඔස්ට්‍රේලියානු ක්‍රිකට් ඇකඩමියේ උපදේශකවරයෙකු ලෙසින් ක්‍රියා කරන නමුත් , එළඹෙන ඔස්ට්‍රේලියානු කණ්ඩායමේ ශ්‍රී ලංකා සංචාරයේදී තිලාන්ව කණ්ඩායමේ උපදේශකයෙකු ලෙස සෘජුවම පත්කොට නොමැත.කෙසේ වෙතත් ඔස්ට්‍රේලියානු කණ්ඩායමේ බ.ඉ.කොදෙව් සංචාරය වෙනුවෙන් සහභාගි නොවූ ඇඩම් වෝගස්, ෂෝන් මාෂ් හා ජැක්සන් බර්ඩ් පෞද්ගලිකව මෙලෙසින් තිලාන්ගෙන් පුහුණු උපදේශන ලබාගන්නා බව විදෙස් මාධ්‍ය වාර්තා කරයි.
තිලාන් මේ පිළිබඳ අදහස් දක්වමින් මාධ්‍ය වෙත පවසා ඇත්තේ තමන්ට එළඹෙන තරග සංචාරයේදී සමස්ත ඔස්ට්‍රේලියානු කණ්ඩායමේ පුහුණුකරණ උපදේශකයෙකු ලෙසින් පත්වීමේ අවශ්‍යතාවක් නැති බවයි.
තරග තුනකින් සමන්විත ඔස්ට්‍රේලියානු කණ්ඩායමේ ශ්‍රී ලංකා සංචාරය ජූලි 26 වැනිදා සිට අගෝස්තු 17 වැනිදා දක්වා පැවැත්වේ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
