ත්‍රිත්ව සිංහයේ අපරාජිත බව රැකගනියි

ත්‍රිත්ව 22 - 17 විද්‍යා

අන්තර් පාසල් ලීග් රග්බි තරගාවලියේ පළමු කොටසේ 'ඒ' කාණ්ඩයේ සිය අපරාජිතභාවය තවදුරටත් රැකගැනීමට මහනුවර ත්‍රිත්ව විදුහල සමත් විය. ඒ ගල්කිස්ස විද්‍යා විදුහල සමගින් ඊයේ (25දා) පැවැති තරගය ලකුණු 22-17 ක් ලෙස ජයගනිමිනි. තරගයේ පළමු අර්ධය නිමාවට පත්වූයේ ලකුණූ 19-12 ක් ලෙස ත්‍රිත්ව විදුහල ඉදිරියෙන් සිටිමිනි.

ජයග්‍රාහී ත්‍රිත්ව විදුහල ගෝල දිනුම් දෙකක්,එක් උත්සාහක දිනුමක් හා දඬුවම් පහරක් මගින්ද, විද්‍යා විදුහල එක් ගෝල දිනුමක්, උත්සාහක දිනුම් දෙකක් මගින්ද සිය ලකුණු රැස්කළහ. විද්‍යා විදුහල් පිටියේදී මෙම තරගය පැවැත්විණි.

වෙස්ලි 32 - 00 කන්නංගර

මේ අතර තරගාවලියේ ඊයේ පැවැති තවත් තරගයකින් බොරැල්ල සී.ඩබ්.ඩබ්. කන්නංගර විදුහල පරාජයට පත් කරමින් ලකුණු 63-00 ක දැවැන්ත ජයක් ලැබීමට බොරැල්ල වෙස්ලි විදුහල සමත් විය. තරගයේ පළමු අර්ධය නිමාවට පත් වූයේ ලකුණු 32-00 ක් ලෙසිනි.