ජීවන් මෙන්ඩිස් කැරිබියන් ප්‍රිමියර් ලීග් තරගාවලියට

ශ්‍රී ලංකා ක්‍රිකට් කණ්ඩායමේ තුන් ඉරියව් ක්‍රීඩක ජීවන් මෙන්ඩිස් කැරිබියන් ප්‍රිමියර් ලීග් පන්දුවාර 20-20 ක්‍රිකට් තරගාවලියේ බාබඩෝස් ට්‍රයිඩෙන්ට්ස් කණ්ඩායම සමගින් එක්ව ඇත.
ට්‍රයිඩෙන්ට්ස් කණ්ඩායම සමගින් එක්ව සිටි බංග්ලාදේශ තුන් ඉරියව් ක්‍රීඩක ශකීබ් අල් හසන්හට එරට ක්‍රිකට් පාලක මණ්ඩලය මාස හයක තරග තහනමක් පැනවීමෙන් මෙන්ඩිස්ට මෙම අවස්ථාව හිමිව ඇත.

31 හැවිදිරි මෙන්ඩිස්, වමත් පා දඟ පන්දු යවන්නෙකු ලෙස හා වමත් මැද පෙළ පිතිකරුවෙකු ලෙස ක්‍රීඩා කරන අතර, පසුගිය වසරේ අගෝස්තු මාසයෙන් පසු මෙතෙක් ශ්‍රී ලංකා කණ්ඩායම සමගින් 20-20 තරගයකට  එක්ව නැත.
මෙන්ඩිස් සහභාගීවන පළමු තරගය හෙට (19දා) ඇන්ටිගුවා හෝක්ස්බිල්ස් කණ්ඩායම අතර ඇන්ටිගුවාහිදී පැවැත්වීමට නියමිතව ඇත.