චන්දිමාල්ගෙන් තවත් ශතක ඉනිමක්

දිනේෂ් චන්දිමාල්ගේ ශතක ඉනිම මත ගොඩනැගුණු ශ්‍රී ලංකා ඉනිම රැකගැනීමට නොහැකි වූ ශ්‍රී ලංකා පන්දු යවන්නන්ගේ දුර්වල පන්දුයැවීම හේතුවෙන් ශ්‍රී ලංකා 'ඒ' කණ්ඩායම හා එංගලන්ත ලයන්ස් කණ්ඩායම අතර එංගලන්තයේ වොර්සෙස්ටර්හිදී ඊයේ (11දා) පැවැති තරගයෙන් කඩුලු 07 ක පරාජයක් අත්විඳීමට ශ්‍රී ලංකා 'ඒ' කණ්ඩායමට සිදුවිය. කෙසේ වෙතත් චන්දිමාල් සිය එංගලන්ත හා අයර්ලන්ත තරග සංචාරයට සමගාමීව මේ වාර්තා කළේ ඔහුගේ දෙවැනි ශතකය වෙයි.

ශ්‍රී ලංකා 'ඒ', නවසීලන්ත 'ඒ', එංගලන්ත 'ඒ' තුන්කොන් ක්‍රිකට් තරගාවලිය යටතේ මෙම තරගය පැවැත්විණි.

එංගලන්ත ලයන්ස් ඇරයුමෙන් පළමුව පන්දුවට පහරදුන් ශ්‍රී ලංකා 'ඒ' කණ්ඩායම පන්දුවාර 50 අවසානයේ ලකුණු 283/6 ක් රැස්කිරීමට සමත්විය.

ශ්‍රී ලංකා ඉනිම ඔසවා තැබූ දිනේෂ් චන්දිමාල් ලකුණු 119 ක් රැස්කිරීමට සමත්විය.

පිළිතුරු ඉනිම ක්‍රීඩාකළ ලයන්ස් පිතිකරුවෝ තරගයේ 46.3 වැනි පන්දුවාරයේදී එම ඉලක්කය පසුකර යාමට සමත්වූහ. ශ්‍රී ලංකා බලාපොරොත්තු බිඳදැමූ රවී ‍බොපාරා ලකුණු 106 ක්  හා ජේම්ස් ටේලර් නොදැවී ලකුණු 103 ක් රැස්කිරීමට සමත්වූ අතර, ඔවුන් දෙදෙනා තුන්වැනි කඩුල්ලට ලකුණු 194 ක සබඳතාවක් ගොඩනැගූහ.

ශ්‍රී ලංකා 'ඒ' 283/6 (පන්දුවාර 50)

දිනේෂ් චන්දිමාල් 119 (පන්දු 127, 4x9, 6x2)

භානුක රාජපක්‍ෂ 46 (පන්දු 47, 4x6, 6x1)

අශාන් ප්‍රියන්ජන් 42 (පන්දු 58, 4x3, 6x2)

සීක්කුගේ ප්‍රසන්න 26 (පන්දු 15, 4x1, 6x2)

ස්ටීවන් ෆින් 4/67 (පන්දුවාර 10)

රවී බොපාරා 1/29 (පන්දුවාර 6)

එංගලන්ත ලයන්ස් 285/3 (පන්දුවාර 46.3)

රවී බොපාරා 106 (පන්දු 101, 4x13, 6x1)

ජේම්ස් ටෙලර් (නොදැවී) 103 (පන්දු 114, 4x8, 6x1)

ජේම්ස් වින්ස් 32 (පන්දු 27, 4x4, 6x1)

ඇලෙක්ස් හේල්ස් 24 (පන්දු 29, 4x4)

සීක්කුගේ ප්‍රසන්න 3/42 (පන්දුවාර 10)