ලංකාවට දැවැන්ත පරාජයක්

ශ්‍රී ලංකා ඒ කණ්ඩායම හා කොදෙව් ඒ කණ්ඩායම අතර කුරුණෑගල වෙලගෙදර ක්‍රීඩාංගණයේ පැවැති දෙවැනි නිල නොවන එක්දින තරගයෙන් ශ්‍රී ලංකා කණ්ඩායම ලකුණු 109ක පරාජයක් ලැබීය. ලකුණු 347ක දැවැන්ත ඉලක්කයක් හඹා ගිය ශ්‍රී ලංකා කණ්ඩායමට ලබා ගත හැකි වූයේ ලකුණු 238 කි.ෂෙහාන් ජයසූරිය ලකුණු 117ක් රැස්කළේය. 

ශ්‍රී ලංකා ඒ කණ්ඩායම හා කොදෙව් ඒ කණ්ඩායම අතර කුරුණෑගල වෙලගෙදර ක්‍රීඩාංගණයේ පැවැත්වෙන දෙවැනි නිල නොවන එක්දින තරගයේ මුලින්ම පන්දුවට පහරදුන් කොදෙව් කණ්ඩායම සිය පන්දුවාර 50 අවසානයේදී කඩුලු 9ට ලකුණු 347ක් රැස්කරමින් ශ්‍රී ලංකා කණ්ඩායමට ලකුණු 348ක දැවැන්ත ඉලක්කයක් ලබා දුන්නේය.

කොදෙව් කණ්ඩායම වෙනුවෙන් සායි හෝප් ලකුණු 107ක් රැස්කළේය. ශ්‍රී ලංකාව වෙනුවෙන් ෂෙහාන් ජයසූරිය ලකුණු 54ට කඩුලු 4ක් දවා ගත්තේය. පිළිතුරු ඉනිම ක්‍රීඩා කරන ශ්‍රී ලංකා කණ්ඩායම පන්දුවාර 23කදී කඩුලු 3ට ලකුණු 130ක් රැස්කරගෙන සිටියි.