එක්දින තරගාවලියට අපි හොඳින් සූදානම් - මැතිව්ස්

එක්දින තරගාවලිය සඳහා ශ්‍රී ලංකා කණ්ඩායම හොඳින් සූදානම් වී සිටින බවත්, එංගලන්ත කණ්ඩායම අපහසු බව දන්නා නිසා කලින් ඒ සඳහා පුහුණුවීම් සිදුකළ  බවත් ශ්‍රී ලංකා කණ්ඩායමේ එක්දින හා ටෙස්ට් කණ්ඩායමේ නායක ඇන්ජලෝ මැතිව්ස් පැවැසීය.

අද (22දා) ආරම්භ වීමට නියමිත එංගලන්ත හා ශ්‍රී ලංකා එක්දින තරගාවලිය පිළිබඳව අදහස් දක්වමින් මැතිව්ස් ඊයේ (21දා) එංගලන්තයේදී මෙම අදහස් දැක්වීය.

"එංගලන්ත කණ්ඩායම එංගලන්තයේදී පරාජය කිරීම අපහසුයි. පන්දුවාර විස්සයි20 තරගයේදී ඔවුන් හොඳ තරගයක් දුන්නා." යැයි මැතිව්ස් පැවසීය.

ඇලිස්ටෙයාර් කුක් නැවතත් කණ්ඩායමට එක් වීමත්, එංගලන්ත කණ්ඩායමේ අත්දැකීම් බහුල ක්‍රීඩකයන් සිටීමත් හේතුවෙන් තරගය ශ්‍රී ලංකාවට අපහසුවනු ඇති බව මැතිව්ස්ගේ අදහසයි.