සුද්දාගේ රටේදී ශ්‍රී ලංකාවට කුඩම්මාගේ සැලකිලි?

දීර්ඝ එංගලන්ත සංචාරයක නියැලුණු ශ්‍රී ලංකා ක්‍රිකට් කණ්ඩායමට එංගලන්ත ක්‍රිකට් පාලක මණ්ඩලය අඩුපහසුකම් සපයා ඇතැයි අනාවරණය වේ.

විශේෂයෙන් ජාත්‍යන්තර කණ්ඩායමක් මෙවැනි තරගාවලියකට පැමිණි පසු තරුපහේ (Five star Hotel) හෝටල් පහසුකම් සැපයිය යුතු වන අතර, ශ්‍රී ලංකා කණ්ඩායමට එවැනි පහසුකම් සපයා නොතිබූ බව කණ්ඩායමේ අභ්‍යන්තර ආරංචි මාර්ග තහවුරු කළේය.

එමෙන්ම ආහාරපානාදිය ඇතුළු අනෙකුත් පහසුකම් ලබාදීමේදීද ශ්‍රී ලංකා කණ්ඩායමට අවම පහසුම් සපයා තිබෙන බව පැවසේ.

ජාත්‍යන්තර ක්‍රිකට් කණ්ඩායම් ශ්‍රී ලංකාවට පැමිණි පසු ඉහළම සත්කාර ශ්‍රී ලංකා ක්‍රිකට් ආයතනයෙන් ලබාදුන්නද, ශ්‍රී ලංකා කණ්ඩායමට කුඩාම්මාගේ සැලකිලි දැක්වීම පිළිබඳව කණ්ඩායම තුළද එතරම් යහපත් මානසිකත්වයෙන් නොමැති බවද අනාවරණය වේ.