ඉන්දියාවට කඩුලු අටක ජයක්

ආසියානු කුසලාන තරගාවලිය යටතේ ඇෆ්ගනිස්තාන කණ්ඩායම හා ඉන්දීය කණ්ඩායම මීර්පූර්හිදී අද (05දා)  පැවැති තරගයෙන් කඩුලු 8 ක ජයක් හිමිකරගැනීමට ඉන්දීය කණ්ඩායම සමත්විය. නමුත් දැනටමත් ආසියානු කුසලාන එක්දින ක්‍රිකට් තරගාවලියේ අවසන් තරගය සඳහා ශ්‍රී ලංකාව හා පාකිස්තානය සුදුසුකම් ලබා සිටින බැවින්, මෙම තරගයේ ප්‍රතිඵලය අවසන් තරගයට කිසිදු බලපෑමක් නොවීය.  

ලකුණු 160 ක පහසු ඉලක්කයක් හඹාගිය ඉන්දියානු කණ්ඩායම පන්දුවාර 32.2 ක් අවසානයේ කඩුලු 02 ක් පමණක් දැවී එම ඉලක්කය පසුකර ගියේය.

ප්‍රථමයෙන් පන්දුවට පහරදුන් ඇෆ්ගනිස්තාන කණ්ඩායමට  පන්දුවාර 45.2 ක් තුළ සියලුදෙනා දැවී රැස්කිරීමට හැකිවූයේ ලකුණු 159 ක් පමණි. ප්‍රතිවාදී ඉනිම සීමාකිරීමට වැඩි දායකත්වයක් ලබාදුන් රවීන්ද්‍ර ජඩේජා ලකුණු 30කට කඩුලු 4 ක් දවාලූ අතර, ඒ හේතුවෙන් ඔහු තරගයේ වීරයා ලෙස සම්මාන ලැබීය. මූලික වටයේ අවසන් තරගය බංගලාදේශය හා ශ්‍රී ලංකාව අතර හෙට (06දා) මීර්පූර්හිදී පැවැත්වේ.