ඉන්දියාවට කඩුලු 10ක ජයක්

සත්කාරක සිම්බාබ්වේ කණ්ඩායම පරාජය කර ඊයේ (15දා) පැවති තෙවැනි හා අවසන් එක්දින තරගයෙන්ද කඩුලු 10ක පහසු ජයක් ලැබීමට සංචාරක ඉන්දීය කණ්ඩායම සමත්විය. ඒ අනුව තරග තුනකින් සමන්විත මෙම තරගාවලිය, තරග 3 – 0 ක් ලෙස පහසුවෙන් ජයගැනීමට ඉන්දියාවට හැකිවිය.

හරාරේ ක්‍රිකට් ක්‍රීඩාංගණයේ පැවති මෙම තරගයේ පළමුව පන්දුවට පහරදුන් සිම්බාබවේ කණ්ඩායමට පන්දුවාර 42.2 අවසනදී සියල්ලන් දැවී රැස්කිරීමට හැකිවූයේ ලකුණු 123 ක් පමණි.

පිළිතුරු ඉනිම ක්‍රීඩාකළ ඉන්දීය පිතිකරුවෝ කිසිවකුත් නොදැවී තරගයේ 21.5 වැනි පන්දුවාරයේදී ලකුණු 123ක් රැස්කරමින් ජයග්‍රහණය සම්පූර්ණ කරගත්හ.

තරගයේ හා තරගාවලියේ වීරයා ලෙස ලෝකේෂ් රාහුල් සම්මාන දිනාගත්තේය.