අමාරුම අභියෝගය කාලගුණයයි

මේ වන විට එංගලන්තයේ පවතින අධික සීතල කාලගුණ තත්ත්වය ශ්‍රී ලංකා කණ්ඩායමට මුහුණ දීමට ප්‍රධානය අභියෝගය වෙන බවයි ශ්‍රී ලංකා නායක ඇන්ජලෝ මැතිව්ස් සඳහන් කරන්නේ.

එංගලන්තය හා පැවැත්වෙන පූර්ණ තරගාවලියකට එක්වීම සඳහා ශ්‍රී ලංකා කණ්ඩායම මේ වන විට එංගලන්තයට ගොස් සිටිනවා. තරගාවලිය පිළිබඳව අදහස් දක්වමින් මැතිව්ස් ඉහත අදහස්  ප්‍රකාශ කළා.

පළමු ටෙස්ට් තරගය එළැඹෙන 19 දා ආරම්භ වීමට නියමිත අතර ඒ සඳහා පැවැත්වෙන පළමු පුහුණු තරගයට එසෙක්ස් කණ්ඩායමට එරෙහිව ශ්‍රී ලංකා කණ්ඩායම අද (08දා) සහභාගිවෙයි.

"අපිට සංගා හා මහේල තවත් නෑ. නමුත් අපි ඉදිරියට යා යුතු වෙනවා. අපි හැකි උපරිමයෙන් තරගාවලියට පුහුණුවීම් සිදුකළා. අපිට හොඳින් ක්‍රීඩා කළොත් තරගාවලිය දිනන්න පුළුවන් කියා මා හිතනවා."