මහනුවර දෙවැනි ජයත් සම්පූර්ණ කරයි

මෙවර ඩයලාග් අන්තර්සමාජ ලීග් රග්බි තරගාවලියේ  සිය ජයමාවත ඉදිරියටත් ගෙන යමින් පොලිස්  කණ්ඩායම පරදා ලකුණු 43-11 ක පහසු ජයක් වාර්තා කිරීමට මහනුවර ක්‍රීඩා සමාජය සමත් විය. කොළඹ පොලිස් මූලස්ථාන පිටියේදී ඊයේ (11) පැවති තරගයේ පළමු අර්ධයේ සිටම පෙරමුණ ගැනීමට මහනුවර කණ්ඩායම සමත් වූ අතර ඔවුන් පළමු අර්ධය නිමා වන විටදී ලකුණු 31-06 ක් ලෙස පැහැදිලි පෙරමුණක් ලබා සිටියේය.

මහනුවර ලකුණු පුවරුව වෙනුවෙන් ගෝල දිනුම් 4 ක් හා උත්සාහක දිනුම් 3 ක් වාර්තා වූ අතර පොලිස් කණ්ඩායමේ ලකුණු පුවරුවට දඩුවම් පහරක්, ඩ්‍රොප් ගෝලයක් හා උත්සාහක  දිනුමක් අන්තර්ගත  විය.

මහනුවර කණ්ඩායම මෙවර තරගාවලියේදී ලැබූ දෙවැනි ජය මෙයයි.

ඡායාරූප- ඕෂිත වරකපිටිය