රොනාල්ඩෝ විවාහ දිවියට

සුපිරි පාපන්දු ක්‍රීඩකයෙක වන ක්‍රිස්ටියානෝ රොනාල්ඩෝ පෘතුගාලයේ පැවති උත්සවයකදී ඔහුගේ දිගුකාලීන සහකාරිය වන ජෝර්ජිනා රොඩ්‍රිගස් සමඟ විවාහ වී තිබේ.

පෘතුගාල පාපන්දු ක්‍රීඩක රොනාල්ඩෝ සිය ඉන්ස්ටග්‍රැම් ගිණුමේ මංගල මුදු දෙකක් සහිතව අත් දෙකක් පෙන්වන ඡායාරූපයක්ද ප්‍රසිද්ධ කර තිබුණි.

පෘතුගාල  මාධ්‍ය පවසන්නේ මෙම යුවළ අගෝස්තු 11 වන දින ලිස්බන් අසල වෙරළබඩ නගරයක් වන කැස්කයිස්හිදී විවාහ වූ බවත් ඔවුන්ගේ දරුවන් පස් දෙනා සහභාගී වූ බවත්ය.

ඉන්ස්ටග්‍රෑම් සටහන පළ කිරීමෙන් මිනිත්තු 30 ක් ඇතුළත මිලියන 3 කට වඩා එයට කැමැත්ත පළ කර තිබුණි.

රොඩ්‍රිගස් සේවය කළ මැඩ්රිඩ් හි ගුචි සාප්පුවකදී ඔවුන් මුණගැසීමෙන් පසු යුවළ වසර 10 ක් එකට සිට ඇත. ඔහු ඒ වන විට ස්පාඤ්ඤ සමාජයක් වන රියල් මැඩ්රිඩ් හි ක්‍රීඩා කරමින් සිටියේය.

ඔවුන් පසුගිය වසරේ අගෝස්තු 11 වන දින ඔවුන්ගේ විවාහ ගිවිස ගැනීම නිවේදනය කළහ.