විදුලිබල මණ්ඩලයේ මෙහෙම මිනිස්සු ඉන්නවද?

මහ මඟ  වැටී තිබී අහුලා ගත් අයිතිකරුවෙකු සොයා ගැනීමට නොහැකි  මුදල් පසුම්බියක් දින හතරක් තිස්සේ උපක්‍රමශීලීව හිමිකරු සොයාගෙන ගොස් අයිතිකරුට භාර දුන් අපූරු රියදුරෙක් පිළිබඳව තොරතුරක් 30 දින උදෑසන දඹුල්ල ප්‍රදේශයෙන් අපට වාර්තා විය'

  මීට දින හතරකට පමණ ඉහතදී    විදුලි බල මණ්ඩලයේ  දඹුල්ල ඩිපෝවේ රියදුරෙකු ලෙස සේවය කරන නිහාල් අනුරුද්ධ අමුණුගම මහතාට දඹුල්ල නගරය ආසන්නයේ  මහපාරේ තිබී  මුදල් පසුම්බියක් හමුවී තිබේ.

. එම මුදල් පසුම්බියේ රුපියල් ලක්ෂයකට  වැඩි මුදල් එමෙන්ම කොරියාවේ ලොතරැයි පත්   ලංකාවේ ලොතරැයි පත් සහ වටිනා රන් මාලයක්ද තිබී ඇත.

 කිසිදු අයිතිකරුවෙකු පිළිබඳව තොරතුරක් එම පසුම්බියේ නොවූ බව අනුරුද්ධ අමුණුගම මහතා පැවසීය.

 කෙසේ වෙතත් එම මුදල් පසුම්බියේ වෙළඳසැලකින් භාණ්ඩ මිලදී ගත් කුඩා බිල්පතක් ඔහුට හමුවීමත් සමඟ නයාකුඹුර  අටු බැඳියාව ගමේ පදිංචිව සිටින ඔහු නැවතත් යතුරුපැදියෙන් අදාල වෙළඳසැල සොයාගෙන ගොස් එමෙන්ම භාණ්ඩ මිලදී ගත් පුද්ගලයා පිළිබඳව තොරතුරු සොයන්නට විය.පසුව වෙළෙඳ සැලේ හිමිකරුගේ සහයෝගයව ඇතිව  වෙළඳසැලේ ආරක්ෂිත කැමරා පද්ධති පරීක්ෂා කොට දින ගණනාවක් ගත වීමෙන් පසු එම භාණ්ඩ මිලදී ගන්නා කෙනා පිළිබඳව අනාවරණය කරගෙන තිබේ.

පසුව ඔහුව දැනුවත් කොට  අමුණුගම මහතා 30 දින උදෑසන දඹුල්ල බටුයාය ප්‍රදේශයේ පදිංචි කොරියාවේ සේවය කොට ලංකාවට පැමිණ සිටින ජානක ප්‍රදීප් පාදනිය මහතා වෙත ඔහුගේ මුදල් පසුම්බිය රන්මාලය සහ සියලු දෑ භාරදීම සිදු කරන්නට විය

   මුදල් ටිකක් ගනන් කොට එහි කිසිදු මුදලක් අඩු නැති බව හෙතෙම පැවසීය,  එහෙත් ඔහු සඳහන් කළේ තමන් හදිසියේ ගමනක් යන අවස්ථාවේ දුරකථන ඇමතුමක් ලැබී යතුරුපැදියේ පිටුපසම මුදල් පසුම්බිය තබා ඇමතුම ලබා ගත් බවය. පසුව එය අමතක වී එසේම යතුරුපැදිය පණ ගන්වාගෙන ගිය බවත් පැය කිහිපයකට පසුව තම මුදල් පසුම්බිය   සොයා  බැලුවද එය නොතිබූ   බවත්ය

තම සිතින් ඉවත් කරමින් සිටි බව සඳහන් කළේය, එහෙත්ම  මෙවැනි  තරුණයන් ලංකාව තුළ සිටීද යන්න තමන්ට අදහා ගැනීමටවත් නොහැකි බව ඔහු සඳහන් කළේය, කිසිදු තොරතුරක් නොමැතිව කුඩා බිල් කැබැල්ලක් උපයෝගී කරගෙන ඔහු දැඩි වෙහෙසක් දරමින් තමන් පිළිබඳව තොරතුරු සොයා කිසිදු අඩුවක්   තොරව භාණ්ඩ  ගෙනත් දීම පිළිබඳව තමන්ගේ ස්තුතිය පළ කරන බව සඳහන් කළේය

මෙන්ම මුදල් පසුම්බිය ලබා  අනුරුද්ධ අමුණුගම මහතා කියා සිටියේ දුක් මහන්සියෙන් හම්බ කරන මිල මුදල් අසාධාරණ ලෙස ලබා ගැනීම සිදු නොකරන බවය. තමන්ගේ රුපියල් සියයක් අහිමි වුවහොත් එහි වේදනාව තමන් දන්නා බවත් එම නිසා, තමාගේ යුතුකම සහ වගකීම නොපිරිහෙලා ඉටුකළ බව ඔහු සඳහන් කළේය.