සෞඛ්‍ය අමාත්‍යංශය විසින්ව්‍ මඩකලපුව ප්‍රාදේශීය සෞඛ්‍ය සේවා කාර්යාලයට එවන ලදුව මඩකලපුව දුම්රිය ස්ථානයේ නවත්වා තිබූ ත්‍රීපෝෂ මළු අඩංගු දුම්රිය මැදිරියක් බිඳ ඒවා සොරකම් කර අලෙවි කළ කල පුද්ගලයින් දෙදෙනෙකු අත්අඩංගුවට ගත් බව මඩකලපුව පොලිස් ස්ථානයේ අපරාධ විමර්ශන අංශයේ ස්ථානාධිපති එස්. ගජනායක මහතා පවසයි.

ශ්‍රී ලංකා ප්‍රමිති ආයතනයේ ප්‍රමිතිය වැඩි කිරීමට කටයුතු කළ යුතුයි - වසර දහයකට පසු කෝප් කමිටුවට පැමිණි ප්‍රමිති ආයතනයට උපදෙස් පාර්ලිමේන්තුව මග හැරීම පිළිබද පිළිබඳ අප්‍රසාදය චක්‍රලේඛවලට පටහැනිව කාර්ය මණ්ඩලයට දීමනා ලබාදීම පිළිබඳ කඩිනම් විමර්ශන අමාත්‍යාංශයට සහ මහා මණ්ඩලයට වැඩි වගකීමක් අධ්‍යක්ෂ ජනරාල් පත්වීම සම්බන්ධයෙන් විවිධ පාර්ශව නගා ඇති චෝදනා විමසීමේ වගකීම අමාත්‍යංශ ලේකම්ට කාර්ය මණ්ඩල දුක් ගැනවිලි සම්බන්ධයෙන්ද ස්වාධීන කොමිසම් වාර්තාවක් කැදවය

තලවකැලේ, හොලිරූඩ් තේ කර්මාන්තශාලාව අසලදී තරුණයන් දෙපිරිසක් අතර ඇති වු ගැටුමකින් එක් තරුණයෙකු ජීවිතක්ෂයට පත්ව, තවත් තරුණයන් තිදෙනෙකු දරුණු කැපුම් තුවාල ලබා රෝහල් ගත කොට ඇතැයි තලවකැලේ පොලීසිය පවසයි.

ඇමෙරිකාවේ ශ්‍රී ලංකා තානාපති මහින්ද සමරසිංහ මහතාගේ උපදෙස් මත එම තානාපති කාර්යාලය පරිශ්‍ර යේදී දීපවාලී උත්සවයක් සංවිධානය කර තිබුණි.

බොරැල්ල ප්‍ර දේශයේ පවතින මහල් නිවාස සංකිර්ණයක තෙවැනි මහලෙන් බිමට වැටුණ දරුවෙක් තුවල ලබා රෝහල් ගත කර ඇතැයි පොලීසිය කියයි.

පිලිපීනයේ පැවති 22 වන ආසියානු ප්‍රවීණයන්ගේ මළළ ක්‍රීඩා තරගාවලියේ දී රන් පදක්කම් 25 ක් , රිදී පදක්කම් 34 ක් සහ ලෝකඩ පදක්කම් 25 දිනා ගනිමින් සමස්ථ පදක්කම් 84 ක් දිනා ගනිමින් ආසියානු තරගාවලි පදක්කම් සටහනේ 08 වන ස්ථානය ශ්‍රී ලංකාවට හිමි කර දීමට කටයුතු කළ ශ්‍රී ලාංකික ක්‍රීඩක ක්‍රීඩිකාවන් පිරිස 11/13 දින මධ්‍යම රාත්‍රී කටුනායක ගුවන් තොටුපොළ වෙත පැමිණියහ .

ලබන වසරේ ඡන්දයක් තිබෙන බවට හරියටම දැනගත් බවත් ඒ අනුව යම් යම් සහන අයවැයෙන් ලැබී ඇති බවත් ආචාර්ය හර්ෂද සිල්වා මහතා පැවැසීය.

කම්කරු හා විදේශ රැකියා අමාත්‍යවරයා වශයෙන් තමන් සිය අමාත්‍යාංශයේ රාජකාරි ආරම්භ කළ දිනයේ සිට මේ දක්වා විදේශ ගත ශ්‍රමිකයින් විසින් රුපියල් කෝටි 240,000ක ප්‍රේෂණ ප්‍රමාණයක් මෙරටට එවා ඇති බව කම්කරු හා විදේශ රැකියා අමාත්‍ය මනුෂ නානායක්කාර මහතා සඳහන් කරයි. අමාත්‍යවරයා මේ අදහස් පළකළේ අද දින (11/13) විදේශ සේවා නියුක්ති කාර්යාංශයේදී පැවති වැඩසටහනකට එක්වෙමිනි.

ජනාධිපති රනිල් වික්‍රමසිංහ මහතා ඉදිරිපත් කළ අයවැයේ සඳහන් බොහෝ කාරණා පසුගිය වර ඔහු ඉදිරිපත් කළ අයවැයේද ඇතුළත්ව තිබූ බවත් ඒ අනුව ඇතැම් කරුණු ක්‍රියාත්මක වී නොමැති බව පෙනෙන්නට ඇති බවත් පාර්ලිමේන්තු මන්ත්‍රී නාමල් රාජපක්ෂ මහතා පැවැසීය.

බදු ගෙවන්නා හඳුනාගැනීමේ අංකය ඇතුළත් සහතිකයේ පිටපතක් ඉදිරිපත් කිරීම අනිවාර්ය කිරීමේ යෝජනාවක් මෙවර අයවැයෙන් ඉදිරිපත් කර තිබේ.

අති සුඛෝපභෝගී නෞකාවක් වන රෙසිලන්ට් ලේඩි මගී නෞකාව කොළඹ වරායේ නැගෙනහිර පර්යන්තයට අද (13දා) සේන්දු විය‍

ශ්‍රී ලංකා ක්‍රිකට් ආයතනය විසින් ජාතික ක්‍රීඩා අරමුදලට ලබා දුන් මුදල් හිතවතුන් අතර බෙදා දෙමින් අවභාවිතා කළේයැයි ක්‍රීඩා අමාත්‍යවරයා වෙත ක්‍රිකට් සභාපති ෂම්මි සිල්ලා මහතා කළ චෝදනා අසත්‍ය හා පදනම් විරහිත බව ක්‍රීඩා අමාත්‍යාංශය නිවේදනයක් නිකුත් කරමින් පවසයි.

ක්‍රීඩා අමාත්‍ය රොෂාන් රණසිංහ මහතා මේ සතියේදී ක්‍රීඩා අමාත්‍යධුරයෙන් ඉල්ලා අස්වීමට හෝ ඔහු එම ධුරයෙන් ඉවත් කිරීමට ඉඩ ඇති බවත් මත පළවෙමින් පවතින බව ඩේලි මිරර් පුවත් සේවය තොරතුරු වාර්තා කරයි.

දියවැඩියා රෝගයෙන් පෙළෙන්නේ නම් වසරකට එක්වරක් නොවරදවාම අක්ෂි පරික්ෂණයකට යොමු වන ලෙස ජාතික අක්ෂි රෝහල ජනතාවගෙන් ඉල්ලා සිටියි.

විදේශගත ශ්‍රමිකයින් පසුගිය ඔක්තෝම්බර් මාසයේදී ඩොලර් මිලියන 517.4 ක මුදලක් මෙරටට එවා ඇති අතර කම්කරු හා විදේශ රැකියා අමාත්‍ය මනූෂ නානායක්කාර මහතා අමාත්‍යධුරයේ වැඩ භාරගත් පසුගිය මැයි මාසයේ සිට මේ දක්වා කාලය තුලදී විදේශ ප්‍රේෂණ වශයෙන් ඩොලර් බිලියන 7.6 ක මුදලක් ලැබී තිබේ.

ලක්ෂ 100ක අල්ලස් මුදලක් ලබාගැනීමට උත්සාහ කිරීමේදී අත්අඩංගුවට ගෙන රිමාන්ඩ් බන්ධනාගාරගතකර සිටි මධ්‍යම පරිසර අධිකාරියේ හිටපු සභාපති සුපුන් පතිරගේ මහතා ඇප මත මුදාහැරීමට කොළඹ ප්‍රධාන මහෙස්ත්‍රාත් අධිකරණය අද නියෝග කළේය.

ක්‍රිකට් සංවර්ධනය කිරීම වෙනුවෙන් රුපියල් බිලියන 1.5ක් අයවැයෙන් වෙන් කරන බව ජනපති රනිල් වික්‍රමසිංහ මහතා අයවැයේදී පැවැසීය. අඩුපහසුකම් සහිත පළාත්වල ක්‍රිකට් සංවර්ධනය හා පාසල් ක්‍රිකට් සංවර්ධනය කිරිමට මෙම මුදල් වෙන් කරයි.

ජනාධිපතිවරයා මේ දක්වා ගත්ත සෑම තීන්දුවක්ම නිවැරදි යැයි තමන් ඇතුළු පක්‍ෂය අනුමත නොකරන බවත්, ඒ තීන්දු තීරණවලින් රටේ වෙනසක් හෝ රට තිබෙන අර්බුදවලින් ගොඩගන්න පුළුවන් යැයි තවම අපට පෙනීගොස් නොමැති බවත් පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතා පැවසීය.

පසුගිය කාලයේ ඇති වූ කාලගුණික තත්ත්වය හේතුවෙන් මෙන්ම ස්භාවික ආපදා සහ විපත් හේතුවෙන් විනාශ වූ පත් මාර්ග සහ පාලම් ප්‍රතිසංස්කරණය කිරීම සඳහා බිලියන 2ක් වෙන් කිරීමට පියවර ගෙන ඇති බව ජනාධිපති රනිල් වික්‍රමසිංහ සඳහන් කරයි

එලැඹෙන වසරේ ජනාධිපතිවරණය සහ පාර්ලිමේන්තු මැතිවරණය පවත්වන බව ජනාධිපති රනිල් වික්‍රමසිංහ මහතා පවසයි.

වත්මන් රජය හෝ වෙනත් රජයක් යටතේ හෝ මෙරට ක්‍රිකට් ක්‍රීඩාව නගාසිටුවීමට පියවර ගන්නා බවත් මේ වනවිට රට හැර ගොස් සිටින දක්ෂ ක්‍රීඩකයින් පවා මේ වෙනුවෙන් සිය දායකත්වය ලබාදීමට සූදානමින් සිටින බව හිටපු පාර්ලිමේන්තු මන්ත්‍රී අර්ජුණ රණතුංග පවසයි.

රාජ්‍ය සේවකයන්ට මේ වන විට ලබාදෙන ජීවන වියදම් දීමනාව ලබන වසරේ ජනවාරි සිය රුපියල් 10000කින් වැඩි කරන බවත් එම වැඩි කරන මුදල ගෙවීම් ආරම්භ කරන්නේ ලබන වසරේ අප්‍රේල් මාසයේ සිට බවත් ජනපති රනිල් වික්‍රමසිංහ මහතා පාර්ලිමේන්තුවේදී පැවැසීය.

’’සමහර කණ්ඩායම් පඩි වැඩ කරන්න කියලා උද්ඝෝෂණ කරනවා. රාජ්‍ය සේවකයන්ට විතරක් නෙමෙයි මුලු රටටම ආමරුයි. පඩි වැඩි කිරීම හිතුමතේ කරන්න බෑ. රජයේ සේවකයන් පඩි ගෙවීමට රාජ්‍ය ආදයමෙන් සියයට 35ක් වැය වෙනවා. රජයේ සේවක පඩි වැඩිකිරීමට සල්ලි අච්චු ගහන්න වෙනවා. නැත්නම් බදු වැඩි කරන්න වෙනවා. එහෙමත් නැත්නම් ණයට ගන්න වෙනවා.’’

වර්තමානයේ ජනතාව මුහුණ දී සිටින කෙටිකාලීන ගැටලු කෙරෙහි අවධානය යොමු කරමින්, දීර්ඝ කාලීනව රට නගාසිටුවිය හැකි වැඩපිළිවෙළක් පදනම් කරගත් අයවැයක් අද (13දා) දිනයේදී පාර්ලිමේන්තුවට ඉදිරිපත් කරනු ඇති බව මුදල් රාජ්‍ය අමාත්‍ය සහ වැවිලි ව්‍යවසාය සංවර්ධන අමාත්‍ය ආචාර්ය රංජිත් සියඹලාපිටිය මහතා පවසයි.

දකුණු කොරියාවේ පැවති 14 වන ලෝක කායවර්ධන හා ශාරීරික ක්‍රීඩා ශූරතා තරගාවලියේ දී ශ්‍රී ලංකාව පළමු වරට නියෝජනය කළ තෙනුර ලක්සෙන් එහි කනිෂ්ඨ අංශයේ කිලෝ ග්‍රෑම් 75 ට වැඩි බර පංතියේ රිදී පදක්කම දිනා ගෙන 11/12 දින රාත්‍රී කටුනායක ගුවන් තොටුපොළ වෙත පැමිණියේය .

පවතින තදවැසි තත්වයේ තාවකාලික අඩු වීමක් මේ මස 15 වැනි දින සිට 18 වැනි දින දක්වා කාලය තුළ බලාපොරොත්තුවන බවත්, ඉන් පසුව යළි සවස් කාලයේ වැසි ඇකිවිය හැකි බවත් කාලගුණ විද්‍යා දෙපාර්තමේන්තුව සඳහන් කරයි.

රාජ්‍ය සහ අර්ධ රාජ්‍ය සේවකයන්ගේ වැටුප් අද (13දා) ඉදිරිපත් කරන අයවැයෙන් අවම වශයෙන් රුපියල් 20,000න් ඉහළ දැමීමට කටයුතු කළ යුතු බවත්, එසේ නොමැති නම් මෙරට ඉතිහාසයේ දරුණුම අරගලයට සමස්ථ වැඩබිම් සේවකයන් එළියට පැමිණෙන බවත් සමගි ඒකාබද්ධ වෘත්තීය සමිති බලවේගයේ කැඳවුම්කරු සහ මාධ්‍ය ප්‍රකාශක ආනන්ද පාලිත මහතා පැවසීය

විදුලිය නිෂ්පාදනය කරණු ලබන ජලාශ සියල්ලම පාහේ පිරීයමින් පවතින මොහොතක විදුලිබල මණ්ඩලය දැවැන්ත වංචාවක්, සිදුකරමින් ජනතාව ගසා කමින් සිටින බව පිවිතුරු හෙළ උරුමය නායක නීතිඥ උදය ගම්මන්පිල මහතා පවසයි.

පෙර පාසල් ගුරුවරියක බිය ගන්නවා මරණීය තර්ජනය කොට රුපියල් ලක්ෂ විස්සක කප්පම් මුදලක් ඉල්ලූ ග්‍රාම නිලධාරිවරයා ලබන 16 දා දක්වා රක්ෂිත බන්ධනාගාර ගත කරන ලෙස හෝමාගම වැඩබලන මහේස්ත්‍රාත් බන්දු ලියනගේ මහතා (12) දා නියෝග කළේය.