නීතිවිරෝධීව ළඟ තබාගෙන ඇති පුපුරණ ද්‍රව්‍ය ළඟම ඇති පොලීසියට භාරදීමට තිබූ කාලය මැයි මස 20 දා තෙක් දීර්ඝ කිරීමට පොලිස් මූලස්ථානය තීරණය කර තිබේ.

පාස්කු ඉරිදා ප්‍රහාරයට සම්බන්ධ ත්‍රස්තවාදීන් භාවිත කළ ආරක්ෂක නිවාස 17ක් හා පුහුණු කඳවුරු 7ක් සොයාගත් බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පැවැසීය.

පාස්කු ඉරිදා ප්‍රහාරයට සම්බන්ධ සැකකරුවන් 85ක් මේ වන විට අත්අඩංගුවට ගෙන තිබේ.

මුදල් අමාත්‍ය මංගල සමරවීර මහතාශ්‍රී ලංකාව සිංහල බෞද්ධ රටක් නොවන බවට සිදුකළ ප්‍රකාශය ජනතාව අතර නොසංසුන්තාවක් ඇති කිරීමට හේතුවී ඇතැයි සඳහන් කරමින් ඒකාබද්ධ විපක්ෂයේ තරුණ මන්ත්‍රීවරුන් පිරිසක් පොලිස් මූලස්ථානයට අද (15දා) පැමිණිලි කළහ.

දෙවැනි පාසල් වාරයේ පාසල්වලට වැඩියෙන්ම සිසුන් පැමිණි දිනය අද (15දා) වාර්තා වූ බව ගුරුවිදුහල්පතිවරු සඳහන් කරති.

මිනුවන්ගොඩ ඇතිවූ සිදුවීම සම්බන්ධනේ ප්‍රකාශක් ගැනිම සඳහා මිනුවන්ගොඩ පොලීසියට කැඳවා තිබූ පිවිතුරු හෙළ උරුමයේ නියෝජ්‍ය නායක මධුමාධව අරවින්ද මහතාගෙන් අද දිනයේදී ප්‍රකාශයක් ලබාගෙන නොමැත. නැවතත් හෙට උදෑසන 9.30ට මිනුවන්ගොඩ පොලීසියට පැමිණෙන ලෙස දන්වා තිබේ.

වයඹ පළාතේ ඇතැවූ නොසන්සුකාරී තත්ත්වයන් සම්බන්ධයෙන් සැකකරුවන් 78ක් අත්අඩංගුවට ගෙන රක්ෂිත බන්ධනාගාර ගත කිරීමට කටයුතු කර ඇතැයි පොලීසිය පවසයි.

අමාත්‍ය රිෂාඩ් බදුදීන් මහතාට එරෙහිව විශ්වාස භංගයක් ඉදිරිපත් වෙන බව ප්‍රකාශ වුවත් මේවන තුරු තමන් අතට එවැන්නක් බාරදී නොමැති බවත් පාස්කු ඉරුදින එල්ලවූ අන්තවාදී ත්‍රස්ත ප්‍රහාරය හා ඉන් පසු රටේ ඇතිවූ සිදුවීම් සම්බන්ධයෙන් සොයා බැලීම පිණිස පාර්ලිමේන්තු තේරීම් කාරක සභාවක් පත් කරන බවත් කතානායක කරු ජයසූරිය මහතා පවසයි.

නව සිංහලේ ජාතික සංවිධානයේ අධ්‍යක්ෂ ඩෑන් ප්‍රියසාද් මහතා ලක්ෂ 5 ක ශරීර ඇප දෙකක් මත මුදා හැරීමට කොළඹ අතිරේක මහේස්ත්‍රාත් ප්‍රියන්ත ලියනගේ මහතා අද (15දා) නියෝග කළේය.

පාස්කු ඉරිදා ප්‍රහාරයට සම්බන්ධ ත්‍රස්තවාදී කල්ලියේ 97% ක පමණ පිරිසක් මේ වන විට අත්අඩංගුවට ගෙන ඇති බව වැඩබලන ආරක්ෂක අමාත්‍ය රුවන් විජයවර්ධන මහතා පවසයි. අද පෙරවරුවේ මහනුවරට පැමිණ මල්වතු අස්ගිරි මහනාහිමිවරුන් බැහැ දැකීමෙන් අනතුරුව මාධ්‍ය වෙත අදහස් දක්වමින් ඔහු මේ බව පැවැසීය.

අමාත්‍ය රිෂාඩ් බදියුදීන් මහතාට එරෙහිව සකස් කළ විශ්වාසභංග යෝජනාව කථානායක කරු ජයසූරිය මහතාටඅ අද (16දා) දින භාරදෙන බව ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පැවසීය.

පාස්කු ඉරිදා ප්‍රහාරයට සම්බන්ධව කොච්චිකඩේ පල්ලියට බෝම්බකරු රැගෙන ආ වෑන් රථය මිලදි ගත් හා එහි ආසන සකස් කළ සැකකරු පොලීසිය විසින් නව කාන්තන්කුඩි ප්‍රදේශයේදී පොලිස් අත්අඩංගුවට ගෙන තිබේ.

වාදයට එරෙහිව පෙරටුගාමී සමාජවාදී පක්ෂය විසින් සංවිධානය කරන ලද උද්ඝෝෂණය අද (15දා) දින කොළඹ කොටුව දුම්රිය ස්ථානය ඉදිරිපිටදී පැවැත්විණි.

හෝර්ටන්තැන්න වනෝද්‍යානයට තහනම් මාර්ග භාවිතා කරමින් කිසිම විටක ඇතුළු නොවන ලෙස සංචාරකයන්ගෙන් හා විදෙස් සංචාරක මගපෙන්වන්නන්ගෙන් හෝර්ටන්තැන්න වනෝද්‍යානය භාරකරු පී. කේ. පී. එම්. ප්‍රදිප් කුමාර මහතා ඉල්ලා සිටී.

වයඹ පළාතටත්, ගම්පහ දිස්ත්‍රික්කයටත් අද රාත්‍රී 7.00 සිට හෙට (16දා) අලුයම 4.00 තෙක් පොලිස් ඇඳිරි නීතිය පැනවිමට පොලීසිය කටයුතු කර තිබේ.

ජාතීන් හා ආගම් අතර මෙන්ම මහජන සාමය කඩවන ආකාරයෙන් කටයුතු කරන ලදැයි කියමින් සැකපිට අත්අඩංගුවට ගෙන අධිකරණයට ඉදිරිපත් කළ ‘මහසොන් බළකායේ’ ප‍්‍රධානී අමිත් වීරසිංහ නමැත්තා ලබන 28දා තෙක් රිමාන්ඩ් බාරයේ රඳවා තැබීමට කොළඹ අතිරේක මහෙස්ත‍්‍රාත් ශලනී පෙරේරා මහත්මිය අද (15දා) නියම කළාය.

ආගමික අන්තවාදයෙන් බිහිවන අන්තවාදී ත්‍රස්තවාදය ඇතුළු ජාත්‍යන්තර ත්‍රස්තවාදය සම්පූර්ණයෙන් අතුගා දැමීමට සියලූ රාජ්‍යයන් මිත්‍රශිලිව අත්වැල් බැඳගත යුතු බව ජනාධිපතිතුමා පවසයි.

නීතිය හා සාමය ආරක්ෂා කිරීමත් සෑම පුරවැසියෙක්ම ආරක්ෂා කිරිමත් නායකයන් ලෙස මේ අවස්ථාවේ වගකීමක් බවද ඔහු සඳහන් කරයි.

සම්බුදු තෙමඟුල යෙදී ඇති වෙසක් පොහෝ දිනය හේතුවෙන් අනිද්දා (17දා) සිට 20 දා දක්වා දින 4ක් සුරා සැල් වසා තැබිමට සුරා බදු දෙපාර්තමේන්තුව නියෝග කර තිබේ.

ප්‍රචණ්ඩකාරී ක්‍රියාවල නිරත වූ පුද්ගලයන්ට එරෙහිව සිවිල් සහ දේශපාලන අයිතිවාසිකම් පිළිබඳ සම්මුති පනත යටතේ සහ හදිසි නීති රෙගුලාසි යටතේ පියවර ගන්නා ලෙස අග්‍රාමාත්‍ය රනිල් වික්‍රමසිංහ මහතා පොලීසියට නියෝග කර තිබේ.

කැකිරාව, මඩාටුගම ප්‍රදේශයේදි දඹුල්ල දෙසට ධාවනය වූ වෑන් රථයක් ඊට ප්‍රතිවිරුද්ධ දිශාවෙන් ධාවනය වූ ලොරි රථයක ගැටීමෙන් සිදුවූ අනතුරකින් තිදෙනෙකු මියගොස් තවත් පස් දෙනකු තුවාල ලබා ඇත.

කැනඩාවේ රැකියා ලබාදෙන බව පවසා මුදල් වංචාකල කාන්තාවක් ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකය විසින් අත්අඩංගුවට ගෙන රක්ෂිත බන්ධනාගාර ගත කර ඇත.

‘සම්පූර්ණ මුහණ’ යන යෙදුමේ අර්ථ නිරූපණය වෙනුවට දෙකන් ඇතුළත් නෙවන පරිදි අර්ථ නිරූපයක් කර තිබේ.

බන්ධනාගාරගත කොට ඇති යාපනය විශ්වවිද්‍යාල මහ ශිෂ්‍ය සංගමයේ සභාපති සහ ලේකම්වරයා වහාම කොන්දේසි විරහිතව නිදහස් කරන ලෙස ඉල්ලා යාපනය විශ්වවිද්‍යාලයේ සිසුහු පිරිසක් අද (15) විශ්වවිද්‍යාල ඉදිරිපිට විරෝධතාවක නිරත වූහ.

පාස්කු ඉරිදා ප්‍රහාරයට අදාළව අත්අඩංගුවට ගත් වර්චුසා ආයතනයේ මෘදුකාංග ඉංජිනේරුවරයා ඒම ප්‍රහාරයේ තාක්ෂණික කටයුතු මෙහෙයවා ඇති බවත් ඉන්දීය බුද්ධි අංශ ඔහු පිළිබඳව ඉන්දීය බුද්ධි අංශ විසින් වසර තුනක පමණ කාලයක සිට අයි.ඒස්. ත්‍රස්ත සමබඳතා සම්බන්ධයෙන් විමර්ශන කර ඇති බවත් රොයිටර්ස් පුවත් සේවය වාර්තා කරයි.

විවාහක කාන්තාවන් දෙදෙනෙකු දූෂණය කර රුපියල් එක්ලක්ෂ හතලිස්දහසක හා පනස්පන්දහසක වටිනාකම් ඇති ගෙල බැදි රන් මාල දෙකක් කොල්ලකෑ පුද්ගලයෙකු අත් අඩංගුවට ගෙන බදුල්ල රක්ෂිත බන්ධනාගාර ගත කර සිටියදී නඩු වාරයක් සඳහා මහියංගණ උසාවිය සඳහා ගෙනවිත් සිටියදී, ඊයේ (14) දහවල් සිරකූඩුවෙන් එළියට ගැනිමේදී බන්ධනාගාර නිලධාරින්ගෙන් මිදී පළා ගොස් ඇත.

කුලියාපිටිය කොට්ඨාස භාර පොලිස් අධිකාරී ඔෂාන් හේවාවිතාරණ මහතා කලුතර පොලිස් විද්‍යාලයේ නියෝජ්‍ය අධ්‍යක්ෂ ලෙසත් ජනාධිපති ආරක්ෂක කොට්ඨාසයේ පොලිස් අධිකාරි ඒ.ආර්. ප්‍රනාන්දු මහතා නුගේගොඩ කොට්ඨාසය වෙතත් නුගේගොඩ කොට්ඨාසයේ පොලිස් අධිකාරී එල්.එස්. සිගේරා මහතා කුලියාපිටිය කොට්ඨාස භාර පොලිස් අධිකාරි ලෙසත් මාරු කර තිබේ.

වෙසක් පුර පසළොස්වක පොහොය දිනය සෙනසුරාදා (18) දින යෙදී තිබීමත් පොහොයට පසු දින නිවාඩු දිනය (19) ඉරිදා දිනයක් වීමත් හේතුවෙන් මැයි මස 20 වැනි සඳුදා දින රජයේ නිවාඩු දිනයක් කිරීමට ජනාධිපති මෛත්‍රීපාල සිරිසේන මහතාගේ සහ අග්‍රාමාත්‍ය රනිල් වික්‍රමසිංහ මහතාගේ උපදෙස් මත තීරණය කළ බව අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන මහතා පවසයි.

තුන්මෝදර ප්‍රදේශයේ නොසන්සුන්තාව ඇතිවන විට ආරක්ෂක අංශ අඳින ඇඳුමකට සමාන නිල ඇඳුමක් ඇඳගත් පුද්ගයෙකු සම්බන්ධයෙන් පැතිර යන විඩියෝ දර්ශන පිළිබඳව යුද හමුදාවේ අවධානය යොමුව ඇති බව යුද හමුදා මාධ්‍ය ප්‍රකාශක බ්‍රිගේඩියර් සුමිත් අතපත්තු මහතා පවසයි.