ඔවුන් දෙදෙනාම බහරේන් සිට පැමිණි අය වෙයි. ඒ අනුව සමස්ත ආසාදිතයන් ගණන 2076ක් දක්වා වර්ධනය වී තිබේ.

ශ්‍රී ලංකා නිදහස් පක්ෂය සමග සන්ධාන ගත වුයේ ජනාධිපතිවරණයට පමණක් බවත් එය මහ මැතිවරණයට වලංගු නැති බවත් අමාත්ප්‍‍ය රසන්න රණතුංග මහතා අවධාරණය කරයි.

තැපැල් ඡන්දය භාවිත කිරීමේදී ද සියලුම තැපැල් ඡන්ද දායකයන් දුරස්ථභාවය තබාගැනීම, මුඛ ආවරණ පැලඳීම සහ දෑත් සේදීම අනිවාර්යයෙන්ම සිදුකළ යුතු බව මැතිවරණ කොමිෂන් සභාව සඳහන් කරයි.

කොළඹ 13 ජින්තුපිටිය ප්‍රදේශයේන් වාර්තා වු කෝව්ඩ් ආසාදිතයෙකු ලෙස හදුනා ගත් පුද්ගලයා මුහුදු ආරක්ෂකයෙකු විම නිසා සහ විදේශගතව සිට පැමිණිම හේතුවෙන් ඔහු පිළිබදව සෞඛ්‍ය අංශ විසින් දැඩි අවධානයෙන් පසු විය.

ඇතැම් දේශපාලන නායකයින් දේශපාලන පක්ෂ සහ ඡන්ද දායකයින් අතහැර යන සමයක ස්ථිර සහ පළපුරුදු දේශපාලන නායකත්වයක් තම පක්ෂය සතු බව ශ්‍රී ලංකා පොදුජන පෙරමුණේ නායක අග්‍රාමාත්‍ය මහින්ද රාජපක්ෂ මහතා පවසයි.

නාවික හමුදාව ඊයේ 04 වන දින ත්‍රිකුණාමලය වරායට ඔබ්බෙන්, නෝර්වේ දූපතට වයඹ දෙසින් වූ මුහුදු ප්‍රදේශයේ සහ එල්සබෙත් දූපතට ආසන්න මුහුදු ප්‍රදේශයේ සිදු කරන ලද මුර සංචාරයන් අතරතුර නීතිවිරෝධී ධීවර කටයුතු වල නිරත වූ පුද්ගලයින් 15 දෙනෙකු නාවික හමුදා භාරයට ගැනීමට කටයුතු කරන ලදි.

පොළොන්නරුව දිස්ත්‍රික්කයේ ප්‍රදේශ රැසක පාසල්වල පවතින ගුරු හිඟය සහ වෙනත් අඩුපාඩු පිළිබදව ජනතාව ජනාධිපතිතුමා දැනුවත් කිරිම සිදු විය.

සංවිධානාත්මක අපරාධ කල්ලියක සමාජිකයෙකු හෙරොයින් ග්‍රෑම් 10ක් සමඟ අද ගම්පහ ,උඩුගම්පොළ ප්‍රදේශයේදි අත්අඩංගුවට ගෙන තිබේ.

එක්සත් ජාතික පක්ෂයේ නායකයා හරි මගට ගනිමින් එක්සත් ජාතික පක්ෂය ශක්තිමත් කරන බවත්, හරි මග යාමට එක්සත් ජාතික පක්ෂයේ නායක රනිල් වික්‍රමසිංහ මහතා කටයුතු නොකරන්නේ නම් ඔහුට නායකත්වයෙන් ඉවත් වන ලෙස දැනුම් දෙන ලෙසත් නවින් දිසානායක මහතා පැවසිය.

මනාප ඡන්ද ක්‍රමය මිනිසුන්ට දැන් තිත්ත වෙලා. මනාප වෙනුවෙන් රණ්ඩු වෙන්න පටන් අරගෙන. ජනමාධ්‍ය බැලුවාම ඒ කියන කතා ඇහුවාම මිනිස්සුන්ට දේශපාලනය ගැන කලකිරෙනවා. ඒ කතා කියන අය කියන්නේ ජනාධිපතිතුමාට ආදරේට නෙවෙයි. ජනාධිපතිතුමාට තුනෙන් දෙකේ බලය යෑම නවත්වන්නයි. මිනිස්සුන්ට ඡන්දෙ දෙන්න එපා කරවනවා යැයි විදුලිබල සහ බලශක්ති, ප්‍රවාහන කළමණාකරන අමාත්‍ය මහින්ද අමරවීර මහතා පැවසීය.

මෙවර මහමැතිවරණයට සමගි ජනබලවේගයෙන් තරග වැදිමට නියමිතව සිටි අශෝක වඩිගමංගාව මහතා අද (5) සිදුවූ රිය අනතුරකින් මිය ගොස් ඇති බව පොලිසිය සඳහන් කරයි.

රුපියල් කෝටි 6කට අධික වටිනාකමකින් යුත් කේරල ගංජා කිලෝ 426ක් සමග සැකකරුවෙකු මණ්ඩතිව් දූපතේ සිදුකල සෝදිසි මෙහෙයුමකදී ඊයේ (04) දින අත්අඩංගුවට ගත් බවට නාවික හමුදාව පවසයි.

කොවිඩ් අභියෝගය හමුවේ වසා දැමු රජයේ සියලු පාසල් දින 115කට පසු, දරුවන් සඳහා හෙට (ජූලි මස 06 වන සඳුදා) සිට යලි ආරම්භ කිරීමට කටයුතු යොදා ඇත.

තම රජයක් යටතේ පැහැදිලි සාක්ෂියක් නොමැතිව කිසිදු රජයේ සේවකයෙක් අත්අඩංගුවට ගැනීමට ඉඩ නොදෙන බව ශ්‍රී ලංකා පොදුජන පෙරමුණ නායක, අග්‍රාමාත්‍ය මහින්ද රාජපක්ෂ මහතා පවසයි.

පොලිසියේ ඉහළ නිලධාරීන් අමතා නීතීපති ජනාධිපති නීතීඥ දප්පුල ද ලිවේරා මහතා සිය දේශණය ආරම්භ කළ අතර ඒ අවස්ථාවේදී වැඩ බලන පොලිස්පති සී.ඩී. වික‍්‍රමරත්න මහතා එම ස්ථානයෙන් පිටව ගියේය.

2018 වර්ෂයේ මහවිරු සැමරුම් සිද්ධියක් සම්බන්ධයෙන් පේදුරුතුඩුව මහේස්ත්‍රාත් අධිකරණයේ විභාගවන නඩුවකට ආදාළව හිටපු උතුරු පළාත් සභා මන්ත්‍රීවරයෙක් වන එම්.කේ සිවාජිලිංගම් මහතා අත්අඩංගුවට ගැනිම සඳහා නිකුත් කළ වරෙන්තුවක් මත අද දිනයේ ඔහු වැල්වැටිතුරෙයිහිදි අත්අඩංගුවට ගත්තේය.

දැන් ජනතාව සජිත් ගාවට යන්න ද රනිල් ගාවට යන්න ද කියලා අතරමං වෙලා අද එක්සත් ජාතික පාක්ෂිකයන්ට එපා වෙලා අපි ගාවට එනවා යැයි හිටපු අමාත්‍ය අනුර ප්‍රියදර්ශන යාපා මහතා පවසයි .

කොවිඩ් 19 ආසාදනය වී විවිධ රෝහල්වල ප්‍රතිකාර ගනිමින් සිටි තවත් රෝගින් 18ක් සුවය ලබා ඇති බව වසංගත රෝග විද්‍යාතනය සඳහන් කරයි.

කොරෝනා වසංගත තත්ත්වයෙන් පසුව හෝර්ටන්තැන්න ජාතික වනෝද්‍යානය නැරඹීම සඳහා පැමිණි විශාලතම දේශීය සංචාරකයන් කණ්ඩායම් පිරිස අද (05දා) දක්නට ලැබිණි.

ජනාධිපති ගෝඨාභය රාජපක්ෂ මහතා අද (5) පෙරවරුවේ දිඹුලාගල සිරිපුර ප්‍රදේශයේ පැවැති ජනහමුවකට සහභාගි විය.

බස්නාහිර ,වයඹ,සබරගමුව ,මධ්‍යම සහ දකුණු පළාත්වල වැසි වාර කිහිපයක් ඇති වේ.

බොහෝ දේශපාලන පක්ෂ සිය මැතිවරණ රැස්වීම් වලදී මීටරයේ දුර නොව සෙන්ටිමීටරයේ දුරක්වත් තබා නොගන්නා බව කැෆේ සංවිධානය පවසයි.

වැල්ලවත්තේ නිමි ඇඳුම් ඇලෙවි සැල් කිහිපයක ගින්නක් ඇතිව තිබේ. ගින්න මැඩ පැවැත්වීම සඳහා ගිනි නිවන රථ කිහිපයක්ම එම ස්ථානයට ගොස් තිබේ.

ජනාධිපතිතුමන්ට තුනෙන් දෙකේ බලයක් සහිත ශක්තිමත් රජයක් ලබා දෙන්නට නම් පොහොට්ටුවේ සියලු දෙනා වාදබේදවලින් තොරව එකට එක්ව කටයුතු කළ යුතු බව විදුලිබල හා බලශක්ති අමාත්‍ය මහින්ද අමරවීර මහතා පවසයි.

භාණ්ඩ මිලදී ගැනීම සඳහා 2020 ජූලි මස 06 දින සිට දිනපතා පෙරවරු 8.30 සිට පස්වරු 3.30 දක්වා කටුනායක බණ්ඩාරනායක ජාත්‍යන්තර ගුවන් තොටුපළ වෙත පැමිණිය හැකිය.

නව කොවිඩ් ආසාදිතයන් සොයා ගැනිම හේතුවෙන් ඉතාලියේ කම්පානියා ප්‍රාන්තයේ මොන්ඩ්‍රගොනෙ ප්‍රදේශය හා කලාබ්යා ප්‍රාන්තයේ පාල්මි ප්‍රදේශය අවදානම් රතු කලාපයක් ලෙස නම් කර අගුලු දැමු බව ඉතාලි සෞඛ්‍ය අමාත්‍යාංශය පවසයි.

හිටපු ක්‍රීඩා අමාත්‍ය හරීන් ප්‍රනාන්දු මහතාගේ ඉල්ලීම පරිදි පසුගිය පාර්ලිමේන්තුව අවසාන දිනයේ දී ක්‍රීඩාවේ දූෂණ වැළැක්වීමේ පනත පාර්ලිමේන්තුවට ඉදිරිපත් කළ බවත් එම පනත යටතේ ක්‍රීඩාවක් පාවා දුන්නේයැයි කිසිවෙකු හෝ අසත්‍ය චෝදනාවක් එල්ල කරන්නේ නම් එම පුද්ගලයාට වසර තුනක සිර දඬුවමක් ලබා දීමේ හැකියාව තිබෙන බව හිටපු සභා නායක ලක්ෂ්මන් කිරිඇල්ල මහතා පැවසීය.

මෛත්‍රීට ගෑවුණු එකෙකුටවත් ඡන්දය දෙන්න එපා යැයි කියූ විට දයාසිරි භූමිතෙල් ගෑවුණු ගැරඩියෙකු ලෙස කලබල වී ඇති බවත් තමන්ට වඩා එක් ඡන්දයක් හෝ කුරුණෑගලින් ගෙන පෙන්වන්න යැයි තමන් ශ්‍රීලනිප මහලේකම්වරයාට අභියෝග කරන බවත් කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා පවසයි.

සංවිධානාත්මක අපරාධකල්ලි සාමාජිකයෙක් වෙන බත්තරමුල්ල බන්ටි පොලිස් අත්අඩංගුවට ගෙන තිබේ. හොරොයින් හා මුදල් සමග සැකකරු අත්අඩංගුවට ගෙන තිබේ.