මෙරට 42 වන කොවිඩ් මරණය වාර්තා වෙයි.

ගාල්ල මහනගර සභාවේ සියලුම සේවක සේවිකාවන්ගේ පීසීආර් පරීක්ෂණ පැවැත්වීම සඳහා ජෛව සාම්පල ලබාගැනීම අද (11) ගාල්ල මහනගර සභාවේ සෞඛ්‍ය අංශය විසින් එම පරිශ්‍රයේදී සිදුකරන ලදී.

කැස්බෑව සෞඛ්‍ය වෛද්‍ය නිලධාරී බල ප්‍රදේශයෙන් කොරෝනා වෛරසය ආසාදිත රෝගීන් 31 දෙනකු අද 11 වන විට වාර්තා වී ඇතැයි කැස්බෑව සෞඛ්‍ය වෛද්‍ය නිලධාරී වෛද්‍ය සමන්තිකා විජයසුන්දර මහත්මිය පැවසුවාය

දකුණු කොරියාව විසින් පරිත්‍යාග කරන ලද රැපීඩ් ඇනටිජන් කට්ටල 30,000 ක් 11/10 දින සවස ශ්‍රී ලන්කන් ගුවන් සේවයේ යානයකින් කටුනායක ගුවන් තොටුපළ වෙත එවා තිබේ .

බෝගම්බර බන්ධනාගාරයේ නිරෝධායන මධ්‍යස්ථානයේ නිරෝධායන වෙමින් සිටි තවත් රිමාන්ඩ් සැකකරුවන් 23 දෙනෙකුට කොවිඩ් 19 වෛරසය ආසාදනය වී ඇති බව පී.සි.ආර්. පරීක්ෂණවලින් තහවුරු වී ඇති බව එම බන්ධනාගාරයේ ඉහළ නිලධාරියකු පැවැසීය .

කොළඹ - කටුනායක අධිවේගී මාර්ගයේ ගමන් ගනිමින් තිබූ ශ්‍රී ලංකා යුද හමුදාවට අනුබද්ධිත පෞද්ගලික බස් රථයක්, වේගය පාලනය කර ගත නොහැකිව මාර්ගයේ මැද ඇති ආරක්ෂිත වැටේ ගැටී ඊයේ (10දා) රාත්‍රී සිදුවූ අනතුරකින් එහි රියදුරු බරපතල තුවාල ලබා ඇති අතර බස් රථයට දැඩි හානි සිදුව තිබේ.

දීපවාලී උත්සව සමයේ නුවරඑළිය දිස්ත්‍රික්කයේ වතුකරයේ නගර වැසීමට මෙතෙක් කිසිඳු තීරණයක් ගෙන නොමැති බව නුවරඑළිය දිස්ත්‍රික් ලේකම් එම්. බී. ආර්. පුෂ්පකුමාර මහතා පැවැසීය.

පසුගිය ඔක්තෝබර් 01දා සිට මාස 6කට ‍නොඅඩු කාලයක් (2021 මාර්තු 31දා දක්වා) එම ණය සහන කාලය දීර්ඝ කරන ලෙස මහ බැංකුව උපදෙස් ලබාදී ඇති අතර, මෙම මස 30දාට පෙර ඒ සඳහා අයදුම් කළ යුතු බවද පෙන්වා දෙයි.

ගාල්ල කරාපිටිය ශික්ෂණ රෝහලේ මනෝ වෛද්‍ය ඒකකයේ නේවාසිකව සිටි කාන්තාවක් කොරෝනා ආසාදිත බව හඳුනාගැනීම හේතුවෙන් වෛද්‍යවරු ඇතුළු කාර්ය මණ්ඩලයට හා රෝගීන් සඳහා කරන ලද පීසීආර් පරීක්ෂණ සියල්ල සෘණාත්මක වී ඇතැයි රෝහල් අධ්‍යක්ෂ වෛද්‍ය සම්පත් රණවීර මහතා පවසයි.

ගම්පහ දිස්ත්‍රික්කයෙහි ඊයේ (11දා) දිනය වනවිට ආසාදිතයින් 4557 දෙනෙකු හදුනාගෙන ඇති අතර පී.සී.ආර් පරීක්ෂණයට භාජනය කොට ඇති සංඛ්‍යාව 57,222 දෙනෙකු බව දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

ගම්පහ මහ නගර සභාවේ මන්ත්‍රීවරයෙකු කොවිඩ් 19 ආසාදිතයින් බවට තහවුරු වීම මත ඔහු ප්‍රතිකාර පිණිස රෝහල් ගත කිරීමට පියවර ගෙන ඇති බව සෞඛ්‍ය වෛද්‍ය නිලධාරී කාර්යාලය සදහන් කරයි.

කුරුණෑගල මල්ලවපිටිය වැඩිහිටි නිවාසයේ නේවාසිකව සිටියදී පසුගිය 9 වන දින ඇද වැටීමෙන් මියගිය පුද්ගලයාගේ මරණයට හේතුව හිස යමක ගැටීමෙන් මොළයට රුධිර කාන්දුවක් නිසා සිදුවූවක් බව අද (11දා) කුරුණෑගල ශික්ෂණ රෝහලේදී සිදු කළ පශ්චාත් මරණ පරීක්ෂණයේදී අනාවරණය වී ඇත.

අඟුණකොළපැලැස්ස බන්ධනාගාරයේ රැඳවියකු හදිසියේ රෝගාතුර වීමෙන් අද (11) අලුයම මියගොස් ඇතැයි අඟුණකොළපැලැස්ස පොලිසිය කියයි.

කොරෝනා වෛරසය හේතුවෙන් අඩාල වී තිබූ ලිපි බෙදා හැරීමේ කටයුතු අද සිට ආරම්භ කරන බව තැපැල් දෙපාර්තමේන්තුව පවසයි.

ශ්‍රී ලංකාවට පැමිණීමට නොහැකිව ඉන්දියාවේ රැදී සිටි ශ්‍රී ලාංකිකයන් 66 දෙනෙකු , මෙරට රජයේ විශේෂ අවසරය මත විශේෂ ගුවන් යානයකින් අද දින උදෑසන කටුනායක ගුවන් තොටුපළ වෙත පැමිණ තිබුණි

කොවිඩ් 19 වසංගත තත්ත්වය හේතුවෙන් රජය විසින් එම ආසාදිතයින් නිරෝධායනය සඳහා හුදෙකලා කරන ලද ප්‍රදේශවල මෙන්ම ස්වයං නිරෝධායනය කෙරෙන නිවෙස් වල ආසාදිතයින් බැහැර කරන මුව වැසුම් හා අත්වැසුම් යනාදී අපද්‍රව්‍ය දැඩි ලෙස පරිසර හානිකර බව පෙනී ගොස් ඇත.

මැනින් වෙළඳපොළ කොළඹින් පිටත තාවකාලිකව පෑලියගොඩදී ආරම්භ කිරීමට කටයුතු කරමින් පවතින බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවැසීය.

දිවයිනේ බොහෝ ප්‍රදේශවල අපර භාගයේ දී හෝ රාත්‍රී කාලයේ දී තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

යම් රෝහල් ගත වීමක් සඳහා ගිලන් රථයක් අවශ්‍ය නම් ඒ සඳහා ගිලන් රථ සේවාවක් ආරම්භ කිරීමට තීරණය කර තිබෙනවා. එහි දුරකතන අංකය 011 3422558.

හරීන් ප්‍රනාන්දු මන්ත්‍රීවරයාට මේ දිනවල නරක ග්‍රහයෙක් ලබා ඇති බවත් එම නීච ග්‍රහයා මාරු වන තුරු ඔහු කට වහගෙන සිටිය යුතු බවත් එසේ නැති වුවහොත් ඔහු අමාරුවේ වැටෙන බවත් මාතලේ දිස්ත්‍රික් පාර්ලිමේන්තු මන්ත්‍රී ප්‍රමිත බණ්ඩාර තෙන්නකොන් මහතා පැවැසීය.

විදේශගත වී සිටි ශ්‍රී ලාංකිකයන් 401 දෙනෙකු ඊයේ රාත්‍රියේ හා අද අලුයම කටුනායක ගුවන් තොටුපොල වෙත පැමිණියේය.

නව කොරෝනා වෛරස වසංගතය ආරම්භ වූදා සිට එක්සත් ජනපදය නව ආසාදිතයන් මිලියනයක් එකතු කළ වේගවත්ම අවස්ථාව ආසන්නතම ආසාදන මිලියන 10ක සීමාව පසුකළ අවස්ථාවයි.

එක්සත් ජනපදයේ රාජ්‍ය ලේකම් මයික් පොම්පෙඕ එරට තේරීපත් වූ ජනපති ජෝ බයිඩන්ගේ ජයග්‍රහණය පිළිගැනීම ප්‍රතික්ෂේප කරමින්, රාජ්‍ය දෙපාර්තමේන්තුවේදී මාධ්‍ය අමතමින් බොහෝ දෙනෙකු විමතියට පත් කළේය.

එක්සත් ජනපදයේ බෝවන රෝග පිළිබඳ විශේෂඥයා වන වෛද්‍ය ඇන්තනී ෆවුසි පවසන්නේ, දේශීය හා ජාත්‍යන්තර වශයෙන් වසංගතය අවසන් කිරීම සඳහා ෆයිසර්-බයෝ එන්ටෙක් එන්නත ඉතා වැදගත් මෙවලමක් බවය.

මේ වනවිට ඉතාලියේ දැඩි සත්කාර ඒකක තුළ රෝගීන් 2,971ක් සිටින අතර, එය පෙර දිනට සාපේක්ෂව රෝගීන් 122ක වැඩිවීමකි.

කොවිඩ්-19 වෛරසය පිටුදැකීම සඳහා 90%කට වඩා ඵලදායී බවක් පෙන්වන එන්නතක් මේ වනවිට ලොවපුරා කතාබහට ලක්වන අතර, මෙම එන්නත නිපදවීමේ පර්යේෂණ පිටුපස සිටි විද්‍යාඥ යුවළක්ද ඒ ආකාරයෙන්ම කතාබහට ලක්වෙයි.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 51,300,000ක ඉක්මවා ඇති අතර, මුඛ ආවරණය, නිතර දෑත් සේදීම, මීටරයක හෝ දෙකක දුරස්ථභාවය අනිවාර්ය කරන ලෙස ලෝක සෞඛ්‍ය අංශ අවධාරණය කරයි.

ශ්‍රී ලංකා හිටපු ක්‍රිකට් නායක මහේල ජයවර්ධන පුහුණුකාරිත්වය දරණ මුම්බායි ඉන්දියන්ස් කණ්ඩායම 2020 ඉන්දීය ප්‍රිමියර් ලීග තරගාවලියේ ශූරතාව දිනා ගැනීමට සමත්විය.

වැලිකඩ බන්ධනාගාර රෝහල කොරෝනා ආසාදිත රැඳවියන් ප්‍රතිකාර මධ්‍යස්ථානයක් බවට පත් කර තිබේ.