පන්නිපිටිය දෙපානම අරලිය උයන ප්‍රදේශයේ ත්‍රිරෝද රථ රියදුරෙක් සැකකටයුතු ලෙස රියදුරු අසුන මත මිය ගොස් සිටියදී අද 14 හමුවූ බව මහරගම පොලිසිය කියයි .

ශ්‍රී ලංකා මහ බැංකුවේ බැදුම්කර වෙන්දේසි දෙකක දී රුපියල් බිලියන 52 කට අධික රජයේ මුදල් සාවද්‍ය පරිහරණය කළැයි කියන සිද්ධියට අදාළව තමන් අත්අඩංගුවට ගැනිමට කොටුව මහේස්ත‍්‍රාත්වරයා නිකුත් කළ වරෙන්තුව ක‍්‍රියාත්මක කිරීම වළකාලන්නැයි ඉල්ලමින් හිටපු මුදල් ඇමති රවී කරුණානායක මහතා ඇතුළු පෙත්සම්කරුවන් ඉදිරිපත් කොට ඇති පෙත්සම සම්බන්ධයෙන් විරෝධතා හෙට (15) ඉදිරිපත් කරන බව නීතීපතිවරයා අද (14) අභියාචනාධිකරණයට දැනුම් දුන්නේය.

මෙරට කොරෝනා ආසාදිතයින් ගණන 3253ක් දක්වා ඉහළ ගොස් තිබේ.

ෂීෂෙල්ස් රාජ්‍යයේ රැදී සිටි ශ්‍රී ලාංකිකයන් 170 දෙනෙකු ශ්‍රී ලන්කන් ගුවන් සේවයේ විශේෂ ගුවන් යානයකින් අද දින සවස කටුනායක ගුවන් තොටුපළ වෙත පැමිණ තිබේ .

පොලිස් මත්ද්‍රව්‍ය නාශක කාර්යාංශයේ නිලධාරීන්ගේ සහයෝගය මත සිදු කළැයි කියන මෙරට කුඩු ජාවාරමේ මහමොළකරු වන ඩුබායි රටේ ජීවත්වෙන පාතාල අපරාධකරුවකු වන උදාර සම්පත් නමැත්තා වහාම අත්අඩංගුවට ගන්නා ලෙස නියම කළ කොළඹ අතිරේක මහේස්ත්‍රාත් එස්.කේ. කාහිංගල මහත්මිය ඒ සඳහා වරෙන්තුවක්ද නිකුත් කළාය.

එක්සත් ජාතික පක්ෂයේ නියෝජ්‍ය නායකයා ලෙස රුවන් විජයවර්ධන තෝරාගෙන තිබේ.

දේශීය දියර කිරි අවශ්‍යතාව සපුරාලීමට රාජ්‍ය, පෞද්ගලික දෙඅංශයේ සහ කුඩා පරිමාණ ගොවීන්ගේ එකතුවෙන් කෙටි සහ දිගුකාලීන සැලැස්මක් දියත් කරන්නැයි ජනාධිපති ගෝඨාභය රාජපක්ෂ නිලධාරීන්ට උපදෙස් දෙයි.

ජාවාරම්කරුවන් පිරිසක් විසින් වනසා දැමු වනාතවිල්ලුව කුරටියාමොට්ට ප්‍රදේශයේ පිහිටි සිමෙන්ති සංස්ථාවට අයත් භුමිය නැවත තිබු ලෙසම නිල හරිත වනාන්තරයක් කිරිමට උපදෙස් දුන් බව වනජිවි හා වන සංරක්ෂණ ඇමති සි.බි .රත්නායක මහතා අද ( 14 ) දින පැවසිය .

කොළඹ බන්ධනාගාර සඳහා CCTV පද්ධතියක් වසර අවසාන වීමට පෙර සවි කරන බව බනධනාගාර කොමසාරිස් ජනරාල් තුෂාර උපුල්දෙණිය මහතා පැවැසීය.

රියර් අද්මිරාල් කපිල සමරවීර පසුගිය සැප්තැම්බර් 12 වන දින සිට නාවික හමුදා මාණ්ඩලික ප්‍රධානී ධූරයට පත් කර තිබේ. සන්නද්ධ හමුදා සේනාධිනායක සහ ජනාධිපති ගෝඨාභය රාජපක්‍ෂ මහතා විසින් මෙම පත්කිරීම සිදුකර තිබේ.

දකුණු ආසියාවේ ප්‍රථම හියුමොනොයිඞ් රොබෝවරයා වන ‘දියසෙන්’ හි නිර්මාතෘ ඇරිමැක් පෞද්ගලික සමාගමේ (Arimac Pvt Ltd) ප්‍රධාන විධායක නිලධාරී චමීර ප්‍රසාද් ජයසිංහ මහතා ඇතුළු ඔහුගේ එම නව නිපැයුමට දායක වූ තරුණ කණ්ඩායම අද (14) කර්මාන්ත අමාත්‍යාංශයේ පැවැති ‘කර්මාන්තකරුවන්ගේ දිනයේ දී’ කර්මාන්ත අමාත්‍ය විමල් වීරවංශ මහතා හමුවිය.

බෞද්ධ දර්ශනය චිවරධාරින්ගෙන් බේරාගැනිම සදහා කල යුතු සියලූ දේ කරන බව හිටපු අමාත්‍ය මංගල සමරවිර මහතා පවසයි.

කොවිඩ් 19 ආසාදනය වූ පුද්ගලයෙකු හලාවත මූලික රෝහලේදී මියගොස් ඇති බව රජයේ ප්‍රවෘත්ති දෙපාර්තමේන්තුව සඳහන් කරයි. ඒ අනුව ශ්‍රී ලංකාවේ කොවිඩ් ආසාදනය වූ පුද්ගලයන් 13ක් ජිවිතක්ෂයට පත්ව තිබේ.

වනාතවිල්ලුව කුරටියාමොට්ට ප්‍රදේශයේ සිමෙන්ති සංස්ථාවට අයත් භූමියක සිදුවු වන සංහාරය පිළිබදව සොයා බැලිම සදහා වනජීවි වන සංරක්ෂණ ඇමති පැමිනි රැස්විම මාධ්‍යවේදින්ට තහනම් විම නිසා රැස්විම පැවති වනාතවිල්ලුව පොලිසිය ඉදිරියට වි සිටිමට සිදුවිය.

ගම්පහ දිවුලපිටිය රෝහල අසළ පිහිටි බුදු මැදුරට කිසියම් පිරිසක් විසින් අසූචි ප්‍රහාරයක් එල්ල කර ඇති බත් එහි වරදකරුවන්ට දැඩි දඬුවම් දිය යුතු බවත් සඳහන් කරමින් හෙළ බොදු සවිය සංවිධානය ජනපති ගෝඨාභය රාජපක්ෂ මහතා වෙත ලිපියක් යොමුකර තිබේ.

20 වැනි සංශෝධනයට අනුව රට සංවර්ධනයට අංගසම්පූර්ණ අලුත් ව්‍යවස්ථාවක් සකස් කළ යුතු බව අධ්‍යාපන අමාත්‍ය, මහාචාර්ය ජී එල් පීරිස් මහතා පවසයි.

බන්ධනාගාරගතව සිටින මහාපරිමාණ මත්කුඩු ජාවාරම්කරුවකු වන වෙලේසුදාගේ මස්සිනා අද (14) ගාල්ල ප්‍රධාන මහේස්ත්‍රාත් අධිකරණය වෙත ඉදිරිපත් කිරිමෙන් පසු ඔහු මෙම මස 21 වැනිදින දක්වා රක්ෂිත බන්ධනාගාරගත කරන ලෙස ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා නියෝග කළේය.

බණ්ඩාරගම ප්‍රාදේශීය සභාවේ සභාපතිවරයාගේ අත්සන ව්‍යාජ ලෙස යොදා ,ව්‍යාජ නිල මුද්‍රාවක් ද භාවිතා කරමින් ඉඩම් කට්ටි සැලසුම් අනුමත කර මහා පරිමාණයෙන් මුදල් වංචා කිරීමක් සම්බන්ධයෙන් පැමිණිල්ලක් ලැබී ඇතැයි පානදුර කොට්ඨාස විශේෂ අපරාධ විමර්ශන අංශය කියයි.

කොවිඩ්19 ආසාදනය වූ තවත් රෝගීන් 9ක් සුවය ලබා රෝහල්වලින් පිටව ගොස් තිබේ. මේ අනුව ශ්‍රී ලංකාවේ සුවය ලැබූ කොවිඩ් ආසාදිතන්ගේ සංඛ්‍යාව 3005ක් දක්වා වර්ධනය විය.

වව්නියාව නොච්චිකුලම් ප්‍රදේශයේ සිදුවූ යතුරුපැදියක් පාපැදියක ගැටීමෙන් සිදුවූ අනතුරකින් පාසල් සිසුවෙකු ඊයේ (13) දින රාත්‍රියේ මිය ගොස් ඇති බවට ඊච්චන්කුලම් පොලීසිය පවසයි.

හෙරොයින් ග්‍රෑම් 5 ක් සහිත පැකට් 100 ක් සමග 30 හැවිරිදි පුද්ගලයෙක් බදුල්ල - බණ්ඩාරවෙල මාර්ගයේ බදුල්ල නගර පුවරුව අසලදි අද (14) අලුයම අත්අඩංගුවට ගත් බව හාලිඇල පොලිසිය පවසයි .

විදාතා නිලධාරීන් යනු ගමට තාක්ෂණය ගෙන යෑමේ පෙරගමන්කරුවන් බව ග්‍රාමීය කර්මාන්ත ප්‍රවර්ධන රාජ්‍ය අමාත්‍ය ප්‍රසන්න රණවීර මහතා පවසයි.

තණමල්විල ප්‍රාදේශීය ලේකම් කොට්ඨාසය බෝදාගම ග්‍රාම නිලධාරී වසමේ උඩවලව රක්ෂිතයට අයත් අක්කර 40 ක පමණ භූමි ප්‍රමාණයක් කිසියම් පුද්ගලයකු විසින් ඩෝසර් කර මහා පරිමාණ විනාශයක් සිදු කර ඇති බව ප්‍රදේශවාසීන් පෙන්වා දෙයි.

බුස්ස බන්ධනාගාරයේ රැදවියන් ආරම්භ කල ආහාර වර්ජනය අද අවසන් කර තිබේ.

බාලවයස්කාර පිරිමි දරුවෙකුට (අවු.12), 2013 වර්ෂයේදී පහරදී කෲරත්වයට පත් කිරීම සම්බන්ධයෙන් වරද පිළිගත් විදුහල්පත්වරයෙකුට බරපතල වැඩ සහිත් වසර දෙකක සිර දඬුවම් නියම කර තිබේ.

මිනීමැරුම් ඇතුළු අපරාධ රැසකට සම්බන්ධ බව කියන අයකු බෝර 12 පතුරොම් යොදන ගිනිඅවියක්, බෝර 12 වර්ගයේ ජීව පතුරොම් 4ක්, මිලිමීටර 3.8 වර්ගයේ රිවොල්වරයක් සහ වායු රයිෆලයක් සමඟ වලස්ගල දෙමටපිටිය ප්‍රදේශයේදී අත්අඩංගුවට ගත් බව පොලිස් විශේෂ කාර්යය බළකායේ තංගල්ල කඳවුරේ නිලධාරිහු කියති.

කුරුණෑගල දිස්ත්‍රික් ලේකම් කාර්යාලයේදී අද (14දා) පැවති කුරුණෑගල දිස්ත්‍රික් සම්බන්ධීකරණ කමිටු රැස්වීම වාර්තා කිරීම මාධ්‍යවේදීන්ට තහනම් කිරීම සම්බන්ධයෙන් මාධ්‍යවේදීන් අප්‍රසාදය පළ කළේය.

නව මහාධිකරණ විනිසුරුවරුන් දොළොස් දෙනකුට පත්වීම් ලිපි ප්‍රදානය ජනාධිපති ගෝඨාභය රාජපක්ෂ මහතා අතින් අද (14දා) පෙරවරුවේ ජනාධිපති කාර්යාලයේ දී සිදු විය.

පාර්ලිමේන්තු මන්ත්‍රී රිෂාඩ් බදියුදීන් මහතා පාස්කු ඉරුදින ප්‍රහාරය පිළිබඳ සෙවීමේ ජනාධිපති කොමිසමේ පොලිස් ඒකකයට පැමිණ තිබේ.