මෙරට 20 වන කෝවිඩ් මරණය කොළඹ ජාතික රෝහලෙන් වාර්තා වෙයි.

රුසියාවේ නව කොරෝනා ප්‍රතිචාර මධ්‍යස්ථානයට අනුව එදින දෛනික ආසාදන 18,283ක් වාර්තා කර ඇති අතර, වෛරසය ආශ්‍රිත මරණ 355ක්ද වාර්තා කර තිබේ.

මඩකලපුව ආරයම්පතිහි පිහිටා ඇති බ්‍රෑන්ඩෙක්ස් ඇඟලුම් කර්මාන්තය තාවකාලිකව දින තුනකට වසා දමන ලෙස නැගෙනහිර පළාත් සෞඛ්‍ය අධ්‍යක්ෂක පැවසීය.

වෛරසය පාලනය සඳහා වූ මූලික හා ඵලදායී ක්‍රියාමාර්ගවල නිරතවීමේ හැකියාව තවමත් බොහෝ රටවල් මඟහැර ඇති බැවින්, ලොක්ඩවුන් තත්ත්වය අවසන් විකල්පය වී ඇති බව WHO යුරෝපා අධ්‍යක්ෂවරයා අවධාරණය කරයි.

පසුගිය 29 සහ 30 යන දෙදින තුළ බස්නාහිර පළාතෙන් බැහැරට ගිය පුද්ගලයින්ව, දැනට ඔවුන් රැඳී සිටින ස්ථානයේදීම දින 14 ක් ස්වයං නිරෝධායනයට යොමු කරන බව පොලීසිය පවසයි.

නව කොරෝනා වසංගතය රට තුළ පැතිරීම ආරම්භ වූදා සිට එක්සත් ජනපදය නව ආසාදිතයන් මිලියනයක් එකතු කළ වේගවත්ම අවස්ථාව මෙය වන අතර, ඒ අවසන් මිලියනයට ගතවී ඇත්තේ දින 14ක් පමණක් බව කියයි.

’’දැන් අපට ඇත්තේ එක් තේරීමක් පමණයි. එය සිදුකරන්නේ අපගේ සෞඛ්‍ය ක්ෂේත්‍රයට අපට හැකි පමණින් සහාය වීමටයි. අපගේ ශාරීරික සම්බන්ධතා හැකිතාක් දුරට සීමා කළ යුතුව තිබෙනවා.’’ අගමැතිවරයා කියයි.

ඇමෙරිකා එක්සත් ජනපදයේ සමස්ත කොවිඩ්-19 ආසාදිතයන් සංඛ්‍යාව මිලියන 9ක සීමාව ඉක්මවා ඇති අතර, වෛරසය ආශ්‍රිතව එක්සත් ජනපදය තුළ සිදුව ඇති මරණ සංඛ්‍යාව 230,000ක සීමාවට පැමිණ තිබේ.

රික්ටර් පරිමාණ 7.0ක ප්‍රබල භූ කම්පනයෙන් තුර්කියේ පමණක් මරණ 20ක් සිදුව ඇති අතර, අවම වශයෙන් පුද්ගලයින් 786 දෙනෙකු තුවාල ලබා ඇති බව එරට ආපදා ඒජන්සිය පවසයි.

ගෝලීය වශයෙන් නව කොරෝනා වෛරසය ආසාදිත මරණ සංඛ්‍යාව 1,187,000ක් ඉක්මවා ගොස් ඇති අතර, මුඛ ආවරණය, නිතර දෑත් සේදීම, මීටරයක හෝ දෙකක දුරස්ථභාවය අනිවාර්ය කරන ලෙස ලෝක සෞඛ්‍ය අංශ අවධාරණය කරයි.

මුල්ලේරියාව මූලික රෝහලේ හා වෛද්‍ය පර්යේෂණ ආයතනයේ පවතින චීන පී.සී.ආර්. පරීක්ෂණ යන්ත්‍ර දෙකේ පවතින තාක්ෂණික ගැටලු විසඳීම සඳහා චීන තාක්ෂණික කණ්ඩායමක් දිවයිනට පැමිණෙන බව චීන තානාපති කාර්යාලය නිවේදනය කරයි.

ඉතාලියේ මිලාන් නගරයට ආසන්න මොන්සා ප්‍රදේශයේ මාර්ගයක ගමන්ගත් මෝටර් රථයක් අනතුරකට ලක්ව ගිනි ගනිමින් තිබියදී තම ජිවිතය පිළිබඳවද නොතකා එහි සිටි ඉතාලි ජාතික රියදුරාගෙ ජිවිතය බේරාගත් ශ්‍රීඩලාංකිකයෙක්ගේ සම්බන්ධ පුවතක් පසුගියදා ඉතාලි මාධ්‍ය වාර්තා කර තිබුණි.

ලාස් වේගාස් නුවර ’’ලක්කන දහම් පියසේ ’’ වාර්ෂික කඨින පූජා මහෝත්සවය පසුගියදා පැවැත්වීය. පූජ්‍ය නාවල ලක්කන හිමියන් විසින් ගොඩ නංවා ඇති’’දහම් පියස’’ අද ලොව පුරා බුදු දහම ප්‍රචලිත කිරීමේ තවත් මධ්‍යස්ථානයක් බවට පත් වී තිබේ.

වීරකැටිය මොරයාය ප්‍රදේශයේදී දෙපිරිසක් අතර ඇතිවූ ආරවුලක් දුරදිග යාමෙන් තරුණයකු ජීවිතක්ෂයට පත්ව ඇතැයි වීරකැටිය පොලිසිය කියයි.

තවත් කෝවිඩ් ආසාදිතයින් 319 දෙනෙකු හදුනාගෙන තිබේ.

මිරිහාන පොලිස් බලප්‍රදේශයට අයත් වැල්සිරිපුර, රාහුලපුර , ප්‍රගතිපුර යන ප්‍රදේශ වහාම ක්‍රියාත්මක වන පරිදි හුදෙකලා කිරිමට පියවර ගෙන තිබෙන බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කරයි.

චීන ශ්‍රී ලංකා හවුල්කාරිත්වය ඉදිරියට ගෙන යෑම තම බලාපොරොත්තුව බව ශ්‍රී ලංකාවට පත්ව ආ නව චීන තානාපති චී ශෙන්හුන්ග් මහතා පැවැසීය. නව තානාපතිවරයා කොළඹ ජාත්‍යන්තර ගුවන් තොටුපලේදී තනතුර භාර ගැනීමේ දේශනය පවත්වමින් මේ බව පැවැසීය.

නව ආසාදිතයින් 314 දෙනෙකු වාර්තා වීමත් සමග මෙරට කොවිඩ් 19 ආසාදිතයින් ගණන 10 000 ඉක්මවා ගොස් තිබේ.

අකුරණ ප්‍රදේශයෙන් කොවිඩ් 19 ආසාදිත පුද්ගලයෙකු අද 30 හමුවූ බවට වාර්තා වීමත් සමඟ අකුරණ කොට්ඨාසයේ ඉදිරි කටයුතු සිදු කිරීම සම්බන්ධයෙන් වැදගත් තීරණ කිහිපයක් ගෙන ඇති බව අකුරණ ප්‍රාදේශිය ලේකම් ඉන්දිකා කුමාරි අබේසිංහ මහත්මිය ප්‍රකාශ කළාය.

පසුගිය දා පාර්ලිමේන්තුවේදී සම්මත වු 20 වන ව්‍යවස්ථා සංශෝධනයට කතානායක මහින්ද යාපා අබේවර්ධන මහතා ඊයේ දින අත්සන් තැබීමත් සමග එය ක්‍රියාත්මක වු අතර ඒ අනුව පත් කරනු ලබන ව්‍යවස්ථාදායක සභාවේ සාමාජිකයෙකු ලෙස ධීවර අමාත්‍ය ඩග්ලස් දේවානන්දා කතානායකවරයා විසින් පත් කර ඇත.

බේරුවල සෞඛ්‍ය වෛද්‍ය නිලධාරී කොට්ඨාසයේ(30) දින වනවිට කොරෝනා ආසාදිත පුද්ගලයන් 62 දෙනෙකු හදුනා ගැනීමෙන් පසු රෝහල් ගත කර ප්‍රතිකාර ලබා දෙන බව කළුතර ජාතික සෞඛ්‍ය විද්‍යායතනයේ සහ කළුතර මහ රෝහලේ විශේෂඥ වෛද්‍ය තමර කළුබෝවිල මහතා (30) සවස පැවසීය.

හිටපු අමාත්‍ය පාර්ලිමේන්තු මන්ත්‍රී රිෂාඩ් බදියුදින්ගේ පෞද්ගලික ආරක්ෂකයන් දෙදෙනා ලබන මස 4වනදා දක්වා යළි රක්ෂිත බන්ධනාගාරගත කර තිබේ.

ඇඳිරිනීතිය ක්‍රියාත්මක වන කාලය තුළ විශේෂ සේවාවන් සඳහා බස්නාහිර පළාත තුළ විවෘත කර තැබෙන ඉන්ධන හල් සම්බන්ධයෙන් ලංකා ඛනිජ තෙල් නීතිගත සංස්ථාව නිවේදනයක් නිකුත් කර ඇත.

නව තානාපතිවරයා ශ්‍රී ලංකාවට පැමිණීමෙන් අනතුරුව දින 14ක් ස්වයං නිරෝධානයට ලක්වීමට නියමිත අතර ඔහු ෂැංහායි නුවරින් කොළඹ බලා පිටත්වීමට මත්තෙන් පී.සී.ආර්. පරීක්ෂණයකට භාජනය වී තිබේ. එම පී.සී.ආර්. පරීක්ෂණයෙන් ඔහු සමත්වී ඇති බව ශ්‍රී ලංකාවේ චීන තානාපති කාර්යාලය නිවේදනය කරයි.

නුවරඑළිය දිස්ත්‍රික්කයේ සේවය කරනු ලබන මහජන සෞඛ්‍ය පරීක්ෂක නිලධාරීන්ට යතුරුපැදි ලබාදීමට සෞඛ්‍ය අමාත්‍යංශය පියවර ගෙන තිබේ.

නිරෝධායන ඇඳිරි නීතිය පැනවීමෙන් පසු බස්නාහිර පළාතෙන් පිටවීම සහ ඇතුළු වීම තහනම් වන බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා පැවසුවේය.

කුරුණෑගල මහ නගර මඟින් කරන ලද පීසීආර් පරීක්ෂණයකින් නගර සභාවේ කම්කරු සේවකයින් 06 දෙනෙකු සමඟ මාළු ව්‍යාපාරිකයන් 02 කු කොරෝනා ආසාදිතයින් බවට අද තහවුරු වීම සැලකිල්ලට ගෙන කුරුණෑගල නගරයේ සියළුම ව්‍යාපාරික ස්ථාන වසා දැමීමට නියම කළ බව නගරාධිපති තුෂාර සංජීව විතාරණ මහතා ප්‍රකාශ කළේය.

කළුතර දිස්ත්‍රික්කයෙන් කොරෝනා වෛරසය ආසාදිත රෝගීන් 276 දෙනකු අද (30දා) වන විට වාර්තා වී ඇතැයි කළුතර දිස්ත්‍රික් පරිපාලන මහජන සෞඛ්‍ය පරීක්ෂක සමන් ගීගනගේ මහතා පැවසීය

තවත් කෝවිඩ් ආසාදිතයින් 140ක් පුර්ණ සුවය ලබා රෝහල් වලින් පිටව ගොස් ඇ​ත.