‘රෝඩ් සේෆ්ටි වර්ල්ඩ් සීරියස්’ තරගාවලියේ අවසන් තරඟයේ ශ්‍රී ලංකා කණ්ඩායම සහ ඉන්දියානු කණ්ඩායම අතර පැවති තරඟයෙන් ලකුණු 14කින් ජය ගැනීමට ඉන්දියා ලෙජන්ඩ්ස් කණ්ඩායම සමත් විය.

ගාල්ල දිස්ත්‍රික්කයේ ඇල්පිටිය ප්‍රදේශයේ විදුහල්පතිවරයකුට හා විදුහල්පතිනියකට කොරෝනා ආසාදනය වී ඇතැයි අද (21) තහවුරු වීම හේතුවෙන් එක් විදුහලක් හෙට (22) සිට වසා දැමීමට සිදුවනු ඇතැයි සෞඛ්‍ය අංශ පවසයි.

කොවිඩ්-19 වෛරසය ආසාදනය වූ තවත් රෝගීන් 165 දෙනෙකු අද (21) දිනයේ හඳුනාගත් බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි.

ජිනීවාහි පැවැත්වෙන එක්සත් ජාතීන්ගේ මානව හිමිකම් කවුන්සිලයේ 46 වන සැසිවාරයේදී බංග්ලාදේශය ශ්‍රී ලංකාව සමඟ සහයෝගයෙන් කටයුතු කරනු ඇතැයිද අග්‍රාමාත්‍යවරයා මෙහිදී විශ්වාසය පළ කළේය.

මෙරට 546වන කොවිඩ් මරණය වාර්තා වූ බව සෞඛ්‍ය සේවා අධ්‍යක්ෂ ජනරාල්වරයා නිවේදනය කළේය.

අද (21) දිනයේ නව ආසාදිතයින් 177 දෙනෙකු හඳුනාගැනීමත් සමඟ මෙරට මුළු ආසාදිතයින් ගණන 90,023ක් දක්වා ඉහළ ගොස් තිබේ. .

බදුල්ල නාගරික සීමාවේ පිහිටි බදුලුපිටිය ප්‍රදේශයෙන් තවත් කොවිඩ් රෝගීන් 7 දෙනක් හමුවීමත් සමග මුළු කොවිඩ් රෝගීන් සංඛ්‍යාව අද (21) වන විට 40 දක්වා ඉහළ නැග තිබේ.

ජනතා විමුක්ති පෙරමුණේ ඇතැම් පුද්ගලයින් සහරාන්ගේ මත වාද පිළිගන්නා බවට සැක පහළ වන බව මහජන ආරක්ෂක ඇමැති සරත් වීරසේකර මහතා පවසයි.

මාවනැල්ල, මා ඔයේ දිය නෑමට ගිය ළමුන් 7 ක් අතරින් දෙදෙනෙක් දියේ ගිලී මියගොස් ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

පිළියන්දල මඩපාත කාමර කුලියට ලබා දෙන ස්ථානයක පවත්වාගෙන ගිය ෆේස්බුක් සාදයක් වටලා තරුණියන් හය දෙනෙක් ඇතුළු 34 දෙනෙකු අද (21) අලුයම අත්අඩංගුවට ගත් බව පිළියන්දල පොලීසිය කියයි.

පස්සර 14 කනුව ප්‍රදේශයේදී ඉකුත් 20 වනදා සිදුවූ මාරක බස් අනතුර සම්බන්දයෙන් අත්අඩංගුවට ගනු ලැබූ බස්රථයේ රියදුරා සහ ටිපර් ලොරි රථයේ රියදුරා ලබන 25 වනදා රක්ෂිත බන්ධනාගර ගත කරන ලෙසට බදුල්ල වැඩබලන මහේස්ත්‍රාත් සුජීවන සිල්වා මහතා (21) නියෝග කළේය

අද (21) දිනයේ කොවිඩ්-19 ආසාදිතයින් 293ක් සුවය ලබා ඇති බව සෞඛ්‍ය අංශ පවසති.

ඇත්තෙන්ම කැලෑ කැපෙනවා නම් කාටත් කලින් විරුද්ධ වෙන්නේ මේ රටේ සොබාදහම ආරක්ෂා කිරීමට දිවිහිමියෙන් බැඳී සිටින අපි බව’’ජානිපෙ නායක, කර්මාන්ත අමාත්‍ය විමල් වීරවංශ මහතා පවසයි.

පුද්ගලයෙකු තියුණු ආයුධවලින් කපා කොටා බරපතළ තුවාල සිදුකිරීම සම්බන්ධයෙන් සංවිධානාත්මක අපරාධ කල්ලියක සාමාජිකයෙක් ඊයේ (20දා) අත්අඩංගුවට ගත් බව මුල්ලේරියාව පොලිසිය කියයි.

උසස් දක්ෂතා සංචිතයේ ක්‍රීඩක ක්‍රීඩිකාවන් මාසිකව රුපියල් ලක්ෂයක දීමනාවකට ක්‍රීඩා අමාත්‍යාංශය සමඟ කොන්ත්‍රාත්ගතවීමේ ගිවිසුම් අත්සන් තැබීම පසුගියදා ක්‍රීඩා අමාත්‍යාංශ ශ්‍රවණාගාරයේදී පැවැත්විණි.

විශ්ව විද්‍යාල ආරම්භ කිරිම පිළිබදව සෞඛ්‍ය අමාත්‍යාංශය සමඟ සාකච්ජා ලබන සතියේ මුල් දින කිහිපයේදි ආරම්භ කිරිමට සුදානම් බව විශ්ව විද්‍යාල කොම්සන් සභාව ප්‍රකාශ කරයි.

කටුනායක බණ්ඩාරනායක ජාත්‍යන්තර ගුවන් තොටුපළ අද දින උදෑසන 8.30 න් අවසන් පැය 24 ක කාලය තුළ මගී ගුවන් යානා 23 ක මෙහෙයුම් සිදු කරමින් , ගුවන් මගීන් 1,315 දෙනෙකුට ගුවන් ගමන් පහසුකම් සළසා දෙමින් ද , භාණ්ඩ ප්‍රවාහන ගුවන් යානා 15 ක මෙහෙයුම් සිදු කරමින් කිලෝ ග්රැම් 607,000 ක ගුවන් භාණ්ඩ තොගයක් ප්‍රවාහනය කිරීමට ද දායක වී ඇති බව ගුවන් තොටුපළ කාර්යය භාර නිලධාරීවරයා පැවසීය .

පස් ව්‍යාපාරිකයෙකු ගෙන් අල්ලස් ලබාගත් බවට වූ චෝදනා මත රිමාන්ඩ් බාරයේ සිටි නිකවැරටිය ප්‍රාදේශීය සභාවේ මන්ත්‍රීවරයා ( පො.ජ.පෙ.) මහතා ජීවිතක්ෂයට පත්ව ඇතිව බව කොටවෙහෙර පොලීසිය අද (21 දා) පැවසීය.

අනවසරයෙන් ලුණුගම්වෙහෙර ප්‍රදේශයේ රජයේ ඉඩමක කැලෑ එළිපෙහෙලි කරමින් සිටි බව කියන දෙදෙනකු උපකරණ සමඟ අත්අඩංගුවට ගත් බව පොලිස් විශේෂ කාර්යය බළකායේ කතරගම කඳවුරේ නිලධාරිහු කියති.

ක්‍රිකට් ක්‍රීඩක ධනංජය සිල්වා මහතාගේ පියා වන රන්ජන් සිල්වා මහතාගේ ඝාතනයේ සැකකරුවෙකු බව කියන රත්මලාන සුද්දා නමැති අයෙකු හෙරොයින් හෙරොයින් ග්‍රෑම් දෙකයි මිලි ග්රෑම් 650 ක් සමඟ අද (21) උදෑසන අත්අඩංගුවට ගත් බව අඟුලාන පොලිසිය කියයි.

නුගේගොඩ හා ගල්කිස්ස පොලිස් කොට්ඨාස තුළ මේ වන විට විශේෂ මෙහෙයුමක් ආරම්භ කර ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

අණ පණත් සකසන්නේත් ඒවා වෙනස් කරන්නේත් නිළධාරීන්. රට පත්ව ඇති තත්ත්වයට ඔවුනුත් වග කිව යුතුයි - ඇමති ප්‍රසන්න රණතුංග නිළධාරින්ගේ වැරදි තීරණ නිසා දේශපාලනඥයින් අපහසුතාවයට පත්වෙනවා - ගම්පහ දිසා වන අඩවි නිළාධාරිනි දේවානි ජයතිලක

මස්කෙළිය බ්‍රවුස්වීක් වතුයායේ හටගත් ගින්නකින් විනාශයට පත්වු නිවාස සදහා නව නිවාස ඉදිකර දිමට ඉදිරියේදි පියවර ගන්නා බව වතු නිවාස යටිතල පහසුකම් රාජ්‍ය ඇමති ජිවන් තොණ්ඩමන් මහතා පවසයි.

හෙරොයින් ළඟ තබාගෙන සිටි බන්ධනාගාර නියාමකවරයෙකු යාපනය, මාටින් වීදිය ප්‍රදේශයේදී සුරාබදු දෙපාර්තමේන්තු නිලධාරීන් විසින් අත්අඩංගුවට ගෙන තිබේ.

අත්‍යවශ්‍ය නඩත්තු කටයුත්තක් හේතුවෙන් අද (21) කොළඹ ප්‍රදේශ රැසක පැය 15ක ජල කප්පාදුවක් සිදුවන බව ජාතික ජල සම්පාදන හා ජලාපවාහන මණ්ඩලය පවසයි.

තමා කිසිවිටකත් පරිසරය විනාශ නොකරන බවත් පසුගිය රජයේ සිටි ජ්‍යෙෂ්ඨ අමාත්‍යවරයෙක් හන්තානේ අක්කර 30ක ඉඩමක් තම දියණියට තෑගි දී ඇති බවද ජනපති ගෝඨාභය රාජපක්ෂ මහතා පවසයි.

පරිසරයට හානි කරන පුද්ගලයින් සම්බන්ධයෙන් නීතිය ක්‍රියාත්මක කිරීම දැඩිව සිදු කරමින් ඇතැයි පොලිසිය පවසනවා.

සංවිධානාත්මක අපරාධ කලින් කල්ලි සාමාජිකයෙකු අයිස් මත්ද්‍රව්‍ය ග්‍රෑම් 5ක් සමග හෝමාගම පනාගොඩ ප්‍රදේශයේදී ඊයේ රාත්‍රී අත්අඩංගුවට ගත් බව පොලිස් විශේෂ කාර්ය බළකා සංවිධානාත්මක අපරාධ මර්ධන ඒකකය කියයි

තමා ජනාධිපතිවරයා ලෙස ජනමාධ්‍යයට කිසිදු බලපෑමක් කර නැති බව සඳහන් කරන ජනාධිපතිවරයා විවිධ කණ්ඩායම්වල සහ පුද්ගලයන්ගේ අවශ්‍යතාව මත වැරදි මාධ්‍ය භාවිතයක නිරත වෙමින් රටත්, ජනතාවත් නැවත අගාධයට ඇද දැමීමට උත්සහ කළහොත් එවැනි පිරිස්වලට එරෙහිව නීතිය ක්‍රියාත්මක කිරීමට පැකිලෙන්නේ නැති බව ද ජනාධිපතිවරයා පවසයි.