ස්විට්සර්ලන්තයේ කොවිඩ්-19 සීමා ඉවත් කිරීමේ තීරණය දැනුම්දී දිනකට පසුව, ස්විට්සර්ලන්ත ජනාධිපතිවරයාට වෛරසය ආසාදනය වී ඇති බව විදෙස් වාර්තා පවසයි.

පිළිකාකාරක අඩංගු බෝතල් තිබෙන බවට කරන පරීක්ෂණවල ප්‍රතිඵල අනුව ඒවා තහනම් කිරීමටත් නීත්‍යානුකූල නොවන ආකාරයෙන් කටයුතු කරන අයට එරෙහිව නීතිය ක්‍රියාත්මක කරන්නත් බලාපොරොත්තු වන බව පරිසර අමාත්‍ය මහින්ද අමරවීර මහතා පැවසීය. අමාත්‍යවරයා මෙසේ පැවැසූයේ අද (17දා) අඟුණකොළපැලැස්සේදී සිදුකළ මාධ්‍ය සාකච්ඡාවකදීය.

තමන් ගැන සොයා බැලීමට යම් නාදුනන කණ්ඩායමක් ප්‍රදේශයේ විවිධ අයගෙන් තොරතුරු රැස් කරන බවත් ඒ තුල තමන්ගේ ජිවිතයට යම් තර්ජනයක් ඇති බව පවසමින් සිරකරු අයිතිවාසිකම් සුරැකීමේ කමිටුවේ ප්‍රධාන ලේකම් සුදේෂ් නන්දිමාල් සිල්වා මහතා විසින් අද(17දා) තිස්සමහාරාම පොලිස් ස්ථානයට පැමිණිල්ලක් යොමුකර තිබේ.

“සරුසාර කිතුලයි - තිරසාර රටයි” තේමා කරගනිමින් කිතුල් සංවර්ධන මණ්ඩලයේ ඉදිරි ගමන් මග එළිදැක්වේ.

මේ වසරේදි මැතිවරණයක් පැවැත්විය හැකි බවත් එය බොහෝ දුරට පළාත් පාලන මැතිවරණය විය හැකි බව මැතිවරණ කොමිෂන් සභාවේ සභාපති නිතිඥ නිමල් ජි.පුංචිහේවා මහතා අද(17දා) මාතලේ දි පැවසිය.

මෙරට සෞඛ්‍ය සේවාවේ ගුණාත්මකභාවය ඉහළනැංවීම සදහා දිවයින පුරා රෝහල් සහ ප්‍රාදේශීය සෞඛ්‍ය වෛද්‍ය නිලධාරි කාර්යාල සදහා නවීන ගිලන් රථ 25 ක් හා කැබ් රථ 38 ක් ලබාදීම අද (17දා) සෞඛ්‍ය අමාත්‍යාංශයේ දී සිදු කෙරිණි.

රඹුක්කන, දැලිවල ඓතිහාසික කොටවෙහෙර රජමහා විහාරස්ථානයේ ධාතු මන්දිරයේ ඉහළ මාලයේ ආරක්‍ෂිත මංජුසාවක තැන්පත් කර තිබූ දඹ රන් කරඬුව ඇතුළු කරඬු නවය සොරකම් කර ගෙන යෑම සම්බන්ධයෙන් නිවැරදි තොරතුරක් ලබා දෙන්නෙකුට රුපියල් ලක්‍ෂ 10ක මුදලක් සතුටු සිතින් පරිත්‍යාග කරන බව දැලිවල ඓතිහාසික කොටවෙහෙර රජමහා විහාරාධිපති පූජ්‍ය පුස්සැල්ලේ ආරියවංශ නාහිමියෝ පැවසූහ.

කුවේට් රාජ්‍යය මුල් කර ගනිමින් ක්‍රියාත්මක වන අල් - ජසීරා ගුවන් සේවය එරට සිට මත්තල ගුවන් තොටුපළ වෙත ද ගුවන් මගීන් ප්‍රවාහනය ආරම්භ කිරීම පිළිබඳව ශ්‍රී ලංකා සිවිල් ගුවන් සේවා අධිකාරියේ අධ්‍යක්ෂ ජනරාල් කපිතාන් තේමිය අබේවික්‍රම මහතා සමග කටුනායක පිහිටි ශ්‍රී ලංකා සිවිල් ගුවන් සේවා අධිකාරියේ ප්‍රධාන කාර්යාලයේ දී පසුගිය දා සාකච්ඡා කර තිබුණි.

නව කොරොනා වසංගතය පැතිරයාමෙන් පසු, චීනය සහ ශ්‍රී ලංකාව එකිනෙකාට සහාය වී ඇති බවත් සාම්ප්‍රදායික මිත්‍රත්වය උත්කෘෂ්ට තලයකට පැමිණ ඇති බවත් චීන ජනපති ෂී ජින්පින් මහතා පවසයි.

මහා පරිමාණ මත්ද්‍රව්‍ය ජාවාරම්කරුවකු වන දෙමටගොඩ රුවන් නැමැත්තා මත්ද්‍රව්‍ය ජාවාරමෙන් උපයා ගත් මුදල් වලින් මිලදී ගත් දේපළවල වටිනාකම රුපියල් කෝටි 79 ක් බව අපරාධ පරීක්ෂණ දෙපාර්තමේන්තුවේ නීතිවිරෝධී දේපළ වත්කම් විමර්ශන කොට්ඨාසය කියයි.

අලදෙනිය පොලිස් වසමේ බෙරගම ප්‍රදේශයේ නිවසකට ආයුධ සන්නද්ධ පැමිණි පිරිසක් විසින් පහරදී එම නිවසට අලාභානි කොට වයස අවුරුදු 14ක පාසල් සිසුවකුගේ අතකට බරපතළ තුවාල සිදුකොට තවත් දෙදෙනෙකුට පහර දීමේ සිද්ධිය සම්බන්ධයෙන් අලදෙනිය පොලිසිය විමර්ශන ආරම්භ කොට තිබේ .

නීලක නැමැත්තා රිමාන්ඩ් භාරයේ සිටි අවධියේදී ඔහුගේ බිරිඳ වෙනත් පුද්ගලයකු සමඟ අනියම් සබඳතාවයක් පැවැත්වීම හේතුවෙන් මීට සතියකට පමණ ඉහත දී සිය බිරිඳගේ අත්පා වෙන් වන ලෙස තියුණු ආයුධවලින් කපා හිසටද බරපතල තුවාල සිදුකිරීමේ සිද්ධියක් සම්බන්ධයෙන් අත්අඩංගුවට ගැනීමට සොයමින් සිටි අයෙක් බව පොලිසිය කියයි. ඊට අමතරව ඔහුගේ අනියම් බිරිඳ සමඟ සබඳතාවක් පැවැත්වූ බව කියන තීරෝද රථ රියදුරෙකු ද බුලත්සිංහල හල්වතුර ප්‍රදේශයේදී තියුණු ආයුධවලින් කපා බරපතළ තුවාල කර තිබේ.

රජයේ රැකියා ලක්ෂයේ වැඩසටහන යටතේ බදවා ගනු ලැබු තරුණයින් සදහා වනජිවි දෙපාර්තමේන්තුව විසින් විශේෂ පුහුණු වැඩසටහනක් ආරම්භ කර තිබේ.මාතලේ දිස්ත්‍රික්කයේ අලි වැටේ රාජකාරි සදහා අනුයක්ත කිරිමේ අරමුණින් මෙම වැඩසටහන ක්‍රියාවට නන්වා ඇතැයි වනජිවි දෙපාර්තමේන්තුව කියයි.

ශ්‍රී ලංකා කණ්ඩායම හා ඔස්ට්‍රේලියා කණ්ඩායම අතර පැවැත්වීමට නියමිත සිවුවැනි හා පස්වැනි විස්සයි20 තරග දෙක වේග පන්දු යවන ක්‍රීඩක ණුවන් තුෂාරට අහිමි වී තිබේ. ඒ තෙවැනි විස්සයි20 තරගයේදී ඔහු ආබාධයකට ලක්වීම හේතුවෙනි.

පසළොස්වක පොහොයදා කිරි එළ දෙනුන් ඇතුළු ගවයන් විසි එකක් මරා දමා රුපියල් ලක්ෂ විස්සකට වැඩි ගව මස් තොගයක් හොරොව්පොතාන සිට කොළඹ බලා ප්‍රවාහනය කරමින් තිබු ලොරි රථයක් සමඟ සැකකරුවන් දෙදෙනෙකු අද (17දා) අළුයම අත් අඩංගුවට ගත් බව හොරොව්පතාන පොලිසිය පවසයි.

ආණමඩුව රඹෑවැව කළුගල් කැඩිමේ ස්ථාන පහකින් තම ගම්මාන වලට තර්ජනයක් බව පවසමින් රඹෑවැව ගම්වාසින් අද(17දා) ආණමඩුව හලාවත මාර්ගය වසා දමා දැවැන්ත විරෝධතාවයක නිතර වුහ.

කොච්චිකඩේ පොලිස් වසමේ ඔබ්බේරිය, කොච්චිකඩේ ලිපිනයේ වයස අවුරුදු 14ක පිරිමි දරුවෙක ජනවාරි මස 22දා සිට අතුරුදන්ව ඇතැයි පොලීසිය කියයි.

මහරගම නගර සභා පරිශ්‍රයට අද (17දා) උදෑසන ප්‍රදේශවාසීන් පිරිසක් පැමිණ විරෝධතාවයක් පවත්වා පසුව ඔවුන් මාසික මහා සභාව පැවති සභා ගැබ තුළට ඇතුළු වීමට යාමේදී ඇති වූ උණුසුම් තත්ත්වය පාලනය කිරීම සදහා පොලිසිය කැඳවීමට මහරගම නගර සභාවේ ලේකම් වරයා පියවර ගෙන තිබුණි.

“වෛද්‍ය, හෙද ඇතුළු සෞඛ්‍ය සේවය ඉහළින්ම අගයනවා. රට තුළ පවතින මුදල් තත්ත්වය නිසි ලෙස අවබෝධ කරගනිමින් සමස්ත රාජ්‍ය සේවයට බලපෑමක් නොවන ආකාරයට අනුමත කළ හෙද ඉල්ලීම් ලබාදීමට පියවර ගන්න”.

මත්ද්‍රව්‍ය ජාවාරම්කරුවෙකු බව පැවසෙන 33 හැවිරිදි පුද්ගලයෙකු නයිවල ප්‍රදේශයේ නිවසක සැඟව සිටියදී ගම්පහ මූලස්ථාන පොලිසිය මගින් අත්අඩංගුවට ගෙන ඇත. ගණේමුල්ලේ සංජීව නැමැත්තාගේ ගෝලයෙකු බව පැවසෙන මෙම පුද්ගලයා අත් අඩංගුවට ගනු ලැබූ අවස්ථාවේ එම නිවසෙහි තිබී ජංගම දුරකතන 10ක්, හෙරොයින් ග්‍රෑම් 7ක්, ලැප්ටොප් පරිගණකයක්, බැංකු ගිණුම් පොතක් සහ මුදලින් රුපියල් පන්ලක්ෂ අසූතුන් දහසක් අත් අඩංගුවට ගත් බව පොලීසිය පවසයි.

හැටන් නගරයේ පිහිටි ප්‍රධාන බස් නැවතුම් පොල භූමියේ වු විශාල වළවල් වල වර්ෂාධික දින වලදි මඬ ජලය පිරුණු ඉතා අප්‍රසන්න ස්ථානයක් ලෙසත් වැසි රහිත දින වල දි දුවිලි වලින් පිරුණු ස්ථානයක් බවට පත් වීමත් නිසා මගී ජනතාව හා රියදුරන් දැඩි අපහසුතාවයට පත්ව සිටිති.

2022.02.22 සිට 2022.02.25 දක්වා පාර්ලිමේන්තුව රැස්වීමට 2022.02.17 රැස්වූ පාර්ලිමේන්තු කටයුතු කාරක සභාව තීරණය කළ බව, සභානායක, අධ්‍යාපන අමාත්‍ය දිනේෂ් ගුණවර්ධන මහතා ප්‍රකාශ කළේය.

තනිව ජීවත් විය නොහැකි තත්වයේ පසුවන දුර්ලභ අටුවෙස් බස්සා පැටවුන් තිදෙනෙකු අනතුරට ලක්ව සිටියදී පුත්තලම ප්‍රදේශයේදී මුදා ගැණුන බව නිකවැරටිය වනජීවි පශු වෛද්‍ය ඒකකය පවසයි.

සොරා ගත් යතුරුපැදි වලින් ගොස් වෙළඳසැල් බිඳ දේපල සොරා ගැනීමේ නිරත වූ පුද්ගලයන් දෙදෙනෙක් අත්අඩංගුවට ගත් බව බොරලැස්ගමුව පොලීසිය පවසයි.

මාසික විදුලි බිල්පත් නියමිත වේලාවට ගෙවීමට කටයුතු නොකරන පාරිභෝගිකයින්ගේ විදුලිය විසන්ධි කිරීමට කටයුතු කරන බව ශ්‍රී ලංකා මහජන උපයෝගිතා කොමිෂන් සභාව පවසයි.

යාපනය විශ්වවිද්‍යාල මහා ශිෂ්‍ය සංගමයේ සිසුන් පිරිසක් විසින් විශ්වවිද්‍යාල පාලනාධිකාරියට එරෙහිව විශ්වවිද්‍යාලයේ ගෙට්ටු අගුලු දමමින් විරෝධතාවක් අද (17දා) උදෑසන දියත් කිරීම හේතුවෙන් දෛනික කටයුතු වලට බාධා එල්ල විය.

මිනිපේ මහ ගොවි ජනපදයේ දෙවන අදියරේ වගා කල හැකි ගොඩ ඉඩම් සදහා ජලය සැපයීමේ විධීමත් වැඩපිළීවෙලක් මෙතෙක් සකස් කර නැතැයි ගොවීහු පවසති. ප්‍රදේශයේ වාරි පද්ධති සකස් කිරිමේ දි කිනම් හෝ හේතුවක් මත ජනපදයේ වගා කළ හැකි ගොඩ ඉඩම් සදහා ජලය ලබාදිමට ක්‍රමවේදයක් සකස් නොකිරිම මෙම තත්වයට හේතුව බවද ඔවුහු පෙන්වා දෙති.

කම පුද්ගලික ෆේස්බුක් ගිණුම දින කිහිපයක සිට තමන්ට භාවිත කිරීමට නොහැකි ලෙස පැවති බව අමාත්‍ය විමල් වීරවංශ මහතා පවසයි. කෙසේ වෙතත් තමන්ට නැවත ගිණුම ලැබී ඇති බවත් ඔහු පවසයි.

මේ වන විට වෙළඳපොළ තුළ ඇමෙරිකානු ඩොලරයක ඇත්ත වටිනාකම රුපියල් 250ක් බවට පත්ව ඇති බවත් මේ ආකාරයෙන් තවදුටත් කටයුතු කළ හොත් වසර අවසාන වන විට ඇමෙරිකානු ඩොලරයක වටිනාකම රුපියල් 300ක් දක්වා ඉහළ යෑමට හැකි බවත් හිටපු අග්‍රාමාත්‍ය රනිල් වික්‍රමසිංහ මහතා පවසයි.