යාපනයේ මිදී අස්වැන්න මේ වන විට දඹුල්ලට විශාල වශයෙන් ලැබෙන බවත් පසු ගිය වසරේ රුපියල් 300 ත් 350 ත් අතර මිලකට අලෙවි වූ මිදී කිලෝවක් සඳහා මෙදින රුපියල් 900 ක මුදලක් ලැබෙන බව ආර්ථික මධ්‍යස්ථාන වෙළෙඳුන් පෙන්වාදෙති. පසුගිය දින කිහිපයේ දඹුල්ල ආර්ථික මධ්‍යස්ථානයට යාපනයෙන් ලැබුණු මිදී කිලෝවකට රුපියල් 1300ක් 1350 ත් අතර ප්‍රමාණයක් ලැබුණු බවත් ආර්ථික මධ්‍යස්ථානයට ලැබෙන මිදි ප්‍රමාණය වැඩි වීමත් සමග මිදි මිල කිලෝ ක මිල රුපියල් 900 දක්වා පහත වැටි ඇත.

ආසියානු කුසලාන ක්‍රිකට් තරගාවලිය සඳහා සහභාගිවන ශ්‍රි ලංකා ක්‍රිකට් සංචිතයට ක්‍රීඩා අමාත්‍ය රොෂාන් රණසිංහ මහතාගේ අනුමැතිය ලබා දි තිබේ. දසුන් ශානකගේ නායකත්වයෙන් හා චරිත් අසලංකගේ උපනායකත්වයෙන් යුත් මෙම සංචිතය සඳහා ක්‍රීඩකයන් 20ක් ඇතුළත් වෙයි.

ලොව හයවන විශාලතම මෝටර් රථ නිෂ්පාදකයා වන හයුන්ඩායි මෝටර් රථ සමාගම ශ්‍රී ලංකාවේ එකලස් කිරීම වෙනුවෙන් අබාන්ස් ඔටෝ සමඟ ගිවිසුමකට එළඹ තිබේ.

මාසිකව රුපියල් මිලියන 300 ක ණය මුදල් අය කර ගැනීමේ ඉලක්ක ගත වැඩපිළිවෙලක් වහාම ක්‍රියාත්මක කරන ලෙස නාගරික සංවර්ධන හා නිවාස ඇමති ප්‍රසන්න රණතුංග මහතා ජාතික නිවාස සංවර්ධන අධිකාරියේ නිලධාරීන්ට ඊයේ (19) උපදෙස් ලබා දුන්නේය. මාසිකව ජාතික නිවාස සංවර්ධන අධිකාරිය අයකර ගත යුතු ණය මුදල රුපියල් මිලියන 563 කි.

ශ්‍රී ලංකාවේ රාජ්‍ය ණය තිරසාර නොවන ලෙස තක්සේරු කර ඇති බැවින්, විස්තීරණ ණය පහසුකම් වැඩසටහනේ IMF විධායක මණ්ඩලයේ අනුමැතිය සඳහා ණය තිරසාර බව ප්‍රතිෂ්ඨාපනය කරන බවට ශ්‍රී ලංකාවේ ණය හිමියන්ගේ ප්‍රමාණවත් සහතික කිරීම් අවශ්‍ය බවද මූල්‍ය අරමුදල පවසයි.

සුදු හා රතු බිත්තර අලෙවි කළ යුතු උපරිම සිල්ලර මිල නියම කරමින් පාරිභෝගික කටයුතු පිළිබඳ අධිකාරිය විසින් අති විශේෂ ගැසට් නිවේදනයක් නිකුත් කර තිබේ. ඒ අනුව සුදු බිත්තරයක් රුපියල් 43ක මිලකටත්, රතු බිත්තරයක් රුපියල් 45ක මිලකටත් අලෙවි කළ යුතු බව එම නිවේදනයේ දැක්වෙයි.

අන්තර් විශ්ව විදාල ශිෂ්‍ය බළ මණ්ඩලයේ කැඳවුම්කරු වසන්ත මුදලිගේ ඇතුළු තිදෙනෙක් පැය 72ක කාලයක් කාලයක් සඳහා රඳවාගෙන ප්‍රශ්න කිරීමට පොලිසියට අවසර දී ඇත.

ශ්‍රි ලංකාවේ සියලුම පරිපාලන දිස්ත්‍රික්ක හා එ ඒ දිස්ත්‍රික්කවලට යාබද දේශීය ජල තිරයන් තුළ මහජන සාමය පවත්වාගෙන යාම වෙනුවෙන් ජනපති රනිල් වික්‍රමසිංහ මහතා අති විශේෂ ගැසට් නිවේදනයක් ප්‍රකාශයට පත්කර තිබේ.

ජාතික ඉන්ධන බලපත්‍රය ක්‍රියාත්මක නොකරමින් එහි මාර්ගෝපදේශ පිළිනොගත් ඉන්ධනහල් 12ක් වෙත ඉන්ධන බෙදාහැරීම අත්හිටුවීමට තීරණය කළ බව විදුලි බල හා බලශක්ති අමාත්‍ය කංචන විජේසේකර මහතා කියයි.

දැනට ක්‍රියාත්මක පැය 3 ක විදුලි කප්පාදුව හෙට සහ අනිද්දා (20 සහ 21) දින දෙකේ ද ක්‍රියාත්මක කිරීමට අනුමැතිය දුන් බව මහජන උපයෝගිතා කොමිසමේ සභාපති ජනක රත්නායක මහතා අද (19) පස්වරුවේ පැවසීය.

‘ද ගේම්’ චිත්‍රපටිය නැරඹීමට එහි ප්‍රධාන චරිතයට රඟපාන ජනප්‍රිය නළු රන්ජන් රාමනායක මහතා වැලිකඩ බන්ධනාගරයේ සිට අද පැමිණියේය. ඒ අනුව සි ‘ක්ලබ්බු සිටි සෙන්ටර්’හිදී ඔහු එම චිත්‍රපටිය නැරඹිය.

ශ්‍රී ලංකාවේ ඇමෙරිකානු තානාපති ජූලි චුංග් මහත්මිය හා විපක්ෂනායක සජිත් ප්‍රේමදාස මහතා අතර හමුවක් පවත්වා තිබේ. අද (19දා) පැවැති මෙම හමුවේදී වත්මන් ආර්ථික අර්බුදය සහ දේශපාලන තත්ත්වය පිළිබඳව සාකච්ඡා කළ බව තානාපතිවරිය සිය ට්විටර් ගිණුමෙන් පවසයි.

ජනාධිපති රනිල් වික්‍රමසිංහ මහතා සහ ආරක්ෂක ප්‍රධානීන් අතර හමුව ජනාධිපති කාර්යාලයේදි අද (19) සිදුවිය

ප්‍රධාන ණයගැති රටවල් 31ක් පිළිබඳව යුරෝඩෑඩ් විසින් කරන ලද පර්යේෂණයකින් හෙළිවී ඇත්තේ එම රටවල ස්වෛරී බැඳුම්කරවලින් 95%ක්ම බටහිර මූල්‍ය ආයතන විසින් රඳවාගෙන ඇති බවයි.

මරණ දඬුවම් ලබා බන්ධනාගාරගතව සිටි ශ්‍රමන්ත ජයමහ නම් පුද්ගලයාට ජනපති සමාව දිම සම්බන්ධයෙන් හිටපු ජනපති මෛත්‍රිපාල සිරිසේන මහතාගෙන් අපරාධ පරික්ෂණ දෙපාර්තමේන්තුව පැය පහක ප්‍රකාශයක් ලබා දී තිබේ.

දෙවැනි බූස්ටර එන්නත් නිර්දේශ කරනු ලබන්නේ අවදානම් සහිත පුද්ගලයින් සඳහා පමණක් බව ලෝක සෞඛ්‍ය සංවිධානයේ එන්නත් උපදේශක පවසයි.

බිත්තරයක මිල රුපියල් 5කින් අඩු කිරීමට සමස්ත ලංකා බිත්තර නිෂ්පාදකයින්ගේ සංගමය පවසයි. එම මිල අඩුකිරීම අගෝස්තු 22 වනදා සිට ක්‍රියාත්මක කිරීමට නියමිතය. බිත්තරයක මිල ඉහළ යාම හේතුවෙන් මේ වන විට බොහෝ දෙනෙක් බිත්තර මිලදී ගැනීමෙන් ඉවත් සිටියි.

හිටපු ජනාධිපති ගෝඨාභය රාජපක්ෂ මහතා නැවත දේශපාලනයට පැමිණීම සම්බන්ධයෙන් මෙතෙක් කිසිවක් ප්‍රකාශ කර නැතැයි ආණ්ඩු පක්ෂයේ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා අද (19) නුවරදී පැවසීය.

“එකිනෙකාට වඩා හොඳ දෙයක් කිරීමට” චීනයට සහ ඉන්දියාවට ප්‍රඥාව සහ හැකියාව ඇති බව චීන විදේශ අමාත්‍යාංශයේ ප්‍රකාශක වැන්ග් වෙන්බින් පැවසීය.

මෙරටට ඉන්ධන ගෙන්වීමේදී ප්‍රිමියම් හරහා 2022 වර්ෂයේ මේ වනතෙක් පමණක් ඇමරිකානු ඩොලර් මිලියන හයක ගසා කෑමක් සිදුකර ඇති බවත් තෙල් බැරලයකින් සිදුවන ඩොලර් 20ක වංචාවට කාංචන විජේසේකර මහතා සම්බන්ධ නොමැති නම් විගණකාධිපතිවරයා ලවා පාරීක්ෂණයක් සිදු කිරීමට අවශ්‍ය පියවර ගන්නා ලෙසත් පාර්ලිමේන්තු මන්ත්‍රී පාඨලී චම්පික රණවක මහතා හෙළිදරව්වක් සිදුකරමින් අවදාරණය කරයි.

ටෙඩ්‍රොස් පැවසුවේ පසුගිය මාසය තුළ වාර්තා වූ කොරෝනා වෛරස් මරණ 35%කින් ඉහළ ගොස් ඇති අතර පසුගිය සතිය තුළ මරණ 15,000ක් වාර්තා වී ඇති බවයි.

ජාතික ඉන්ධන බලපත්‍ර පද්ධතිය (QR) නිර්මාණය කළ පාර්ශ්ව පිළිබඳව විදුලි බල හා බලශක්ති අමාත්‍ය කංචන විජේසේකර මහතා සිය ට්විටර් ගිණුමෙන් හෙළි කිරීමක් කර තිබේ. මේ අනුව විදුලි බල හා බලශක්ති අමාත්‍යාංශය වෙනුවෙන් මෙම ඉන්ධන බලපත්‍ර ක්‍රමය තොරතුරු තාක්ෂණ නියෝජිතායතනය, ඩයලොග් ආයතනය හා මිලේනියම් තොරතුරු තාක්ෂණ සමාගම නිර්මාණය කළ බව අමාත්‍යවරයා පවසයි.

දිවයින පුරා එළවළු වෙළඳ සැල් වල තොග සහ සිල්ලර එළවළු මිල ඉහළ යද්දී දඹුල්ල ආර්ථික මධ්යස්ථානයේ මේ දිනවල එළවළු මිල විශාල වශයෙන් පහත යමින් පවතින බව ගොවීන්, වෙළෙන්දන් සහ අතරමැදි ව්යාපාරිකයෝ පවසති.

’’යුක්රේනයෙන් සහ රුසියාවෙන් ආහාර සහ පොහොර විශාල ප්‍රමාණවලින් ලබා ගැනීම භාණ්ඩ වෙළෙඳපොළේ තවදුරටත් සන්සුන් කිරීමට සහ මිල අඩු කිරීම සඳහා ඉතා වැදගත් වෙනවා’’ එක්සත් ජාතීන්ගේ ප්‍රධානියා කියයි.

විදේශ විනිමය ඉපැයීම වර්ධනය කර ගැනීම සහ රාජ්‍ය සේවයේ නියුතු පිරිස ඵලදායීව විදේශ රැකියාවලට යොමු කිරීමේ ක්‍රියාවලිය ඉක්මන් කරවීම හා ඊට සම්බන්ධ ආයතන මුහුණදී ඇති ගැටලු නිරාකරණය කර ගැනීම ඇතුළු තවත් කරුණු කිහිපයක් පිළිබඳ ජනාධිපති ලේකම් සමන් ඒකනායක මහතා සහ රාජ්‍ය නිලධාරීන් අතර පසුගියදා පැවති සාකච්ඡාවේදී මෙම කරුණු අනාවරණය විය.

යල කන්නයේ වී අස්වනු මිල දී ගැනීම වී අලෙවි මණ්ඩලය විසින් ඊයේ (18) දින සිට ආරම්භ කරනු ලැබීය. ඒ් අනුව නාඩු වී කිලෝවක් රුපියල් 120ක්, සම්බා වී කිලෝවක් රුපියල් 125ක් සහ කීරි සම්බා වී කිලෝවක් රුපියල් 130කටත් වශයෙන් වී අලෙවි මණ්ඩලය මිල දී ගනු ලබයි.

ඕස්ට්‍රේලියාව ශ්‍රි ලංකාවට ලබාදෙන ආර්ථික ආධාරය ඩොලර් මිලියන 75ක් දක්වා ඉහළ දැමීමට තිරණය කර තිබේ. ‌ඒ ඔස්‌ට්‍රේලියාව මේ දක්වා ලබාදුන් ඩොලර් මිලියන 50ට අමතරව තවත් ඩොලර් මිලියන 25ක් ලබා දෙන බවට ප්‍රකාශ කිරීමත් සමගිනි.

අන්තර් විශ්වවිද්‍යාල ශිෂ්‍ය බල මණ්ඩලය පැවැත්වූ විරෝධතා පාගමනට ඒල්ල කළ ජල හා කඳුළු ගෑස් ප්‍රහාර හා බැටන් ප්‍රහාරය රනිල් රාජපක්ෂ ආණ්ඩුවේ අවසානයේ ආරම්භක ප්‍රහාරය බව ජාතික භික්ෂු පෙරමුණ නිවේදනයක් නිකුත් කරමින් පවසයි. මෙම ප්‍රහාරය සම්බන්ධයෙන්ජ බලවත් විරෝධය පළකරන බවත් එය හෙළා දකින බවත් එම පෙරමුණ නිවේදනයක් නිකුත් කරමින් පවසයි.

හිටපු ජනපති ගෝඨාභය රාජපක්ෂ මහතා ලංකාවට පැමිණියත් නැවත ලංකාවේ ‌දේශපාලනයට සම්බන්ධ වෙනු ඇතැයි තමන් සිතන්නේ නොමැති බව අමාත්‍ය සුසිල් ප්‍රේම්ජයන්ත් මහතා පැවැසීය.